«Býrabaı» ulttyq parkinde Smart-Burabay júıesiniń arqasynda 18 órt sóndirildi
«2020 jyldyń 1 jeltoqsanynda «Býrabaı» ulttyq parki aýmaǵyna Smart-Burabay tsıfrly júıesi ornatyldy. Júıe kamera, dińgek, konteıner, kún paneli jáne generatordan turady ári kún men jel energııasy arqyly derbes jumys isteıdi. Generator qysty kúni kún sáýlesi nashar túsken, jel bolmaǵan kezde qajet. ıAǵnı, batareıka otyryp, elektr energııasy bolmaı qalǵanda generator avtomatty túrde iske qosylady», - dedi ortalyq bastyǵy elordadan parktiń órtke qarsy is-sharalarymen tanysý úshin kelgen BAQ ókilderine.
«Aqyldy» júıeniń jumys prıntsıpine qysqasha toqtalǵan onyń aıtýynsha, bıik munaranyń basyndaǵy kameramen ormannyń túkpir-túkpiri baqylanady. Obektıvtiń «nazaryna» tútin nemese basqa da kúdikti kadr ilinse, tsıfrly júıe ony qyzyl kontýrmen belgilep, Ulttyq parktiń táýlik boıy jumys isteıtin jedel basqarý ortalyǵyna jiberedi. Ortalyqtyń kezekshi dıspetcherleri tótenshe qyzmetke habarlaıdy.
«Bıyl park aýmaǵynda 18 órt bolyp, qyzyl jalyn jedel sóndirildi. Órt shyǵýynyń negizgi sebepteri – tabıǵı faktorlar. Kóbine jaı túsip jatady. Bir kúnde 8 jerden órt shyqqan sát boldy. Aǵashqa túsken jaı úsh boıy shoqtanyp jatyp, jel soqqanda órship ketetin jaǵdaı da bolady. Sonymen qatar bıyl osy júıeniń arqasynda ormanda órt qaýipsizdigin saqtamaǵan 2 adamdy ustadyq. Taýǵa demalýǵa kelgen adamdar ot jaǵyp, tútin shyqqan sátte júıe birden tirkeýge alǵan. Birden, oqıǵa ornyna ormanshylar attanyp, 100 aılyq eseptik kórsetkish mólsherinde aıyppul rásimdedi. 2020 jyly bulan atqan brakonerdi de osy júıeniń kómegimen qolǵa túsirdik. Ol 3 jylǵa sottalyp, 6 mln 250 myń teńge shyǵyn ótedi», - dedi Asylhan Ahmetjanov.
Ortalyq basshysy júıeniń arqasynda «Býrabaı» ulttyq parki aýmaǵynda órt sany eselep qysqarǵanyn aıtady.
«2019 jyly 80 gektar jer órtense, bıyl ne bári 0,5 gektar jerdi ǵana qyzyl jalyn sharpydy. Osy júıeniń arqasynda órt bolatyn aýmaq 4 ese, shyǵyn 4 ese qysqardy. Al qyzyl jalynǵa qarsy shuǵyl áreket etý ýaqyty 15 esege jaqsardy», - dedi ol.
QR Prezıdenti Іs basqarmasyna qaraıtyn «Býrabaı» memlekettik ulttyq tabıǵı aýmaǵy 129 myń gektardan astam jerdi alyp jatyr. Aýmaqta tsıfrlyq júıe ornatylǵan 13 munara bar. Osy tsıffrlyq júıeniń kómegimen Aqylbaı, Býrabaı, Jalaıyr sııaqty barlyǵy 9 orman sharýashylyǵynda tutanǵan órt tez arada sóndirilip, jalyn bar bolǵany 0,5 gektar jerdi sharpyǵan.
Budan bólek, 8 aı ishinde tabıǵat qorǵaý zańnamasyna qaıshy 51 oqıǵa tirkelip, Ulttyq park aýmaǵynda saqtalatyn ereje 46 márte buzylǵanyn aıta keteıik. Tártip buzǵandarǵa 440 myń teńgeden astam ákimshilik aıyppul salyndy. Zańsyz aǵash otaý (3), balyq aýlaý (1) jáne brakonerlikpen aınalysý (1) faktileri boıynsha 5 qylmystyq is qozǵaldy.
