«Býrabaı» ulttyq parki men Marqakól qoryǵyn ıÝNESKO tizimine qosý usynysy qanaǵattandyryldy
Almaty qalasynda Memlekettik keńesshi Erlan Qarınniń tóraǵalyǵymen Qazaqstannyń ıÝNESKO jáne ISESKO isteri jónindegi ulttyq komıssııasynyń otyrysy ótti. Jıyn Ulttyq komıssııasynyń 30 jyldyǵyna arnaldy.
Otyrysqa komıssııanyń turaqty músheleri, tıisti memlekettik organdardyń vıtse-mınıstrleri, mádenıet, bilim jáne ǵylym salalarynyń belgili qaıratkerleri qatysty.
Jıynda komıssııa qyzmetiniń ózekti máseleleri talqylandy. Ásirese, QR aýmaǵyndaǵy ıÝNESKO tizimine engen nysandardy saqtaý isine erekshe kóńil bólindi.
Erlan Qarın Qazaqstannyń ǵylym, mádenıet jáne bilim salalary boıynsha halyqaralyq yntymaqtastyqty jan-jaqty damytýǵa úlken mán beretinin atap ótti. Sondaı-aq elimizdiń ıÝNESKO men ISESKO uıymdaryna músheligin barynsha paıdalana otyryp, ulttyq múddeniń basym mindetterin iske asyrýdyń mańyzdy ekenine nazar aýdardy.
Ótken jylǵy jumysty qorytyndylaǵan Memlekettik keńesshi komıssııanyń, onyń taqyryptyq komıtetteriniń, klýbtarynyń jáne ıÝNESKO-nyń qaýymdastyrylǵan mektepteriniń naqty nátıjeleri týraly aıtty. Onyń ishinde, byltyr ıÝNESKO sheńberinde ult ustazy Ahmet Baıtursynulynyń 150 jyldyq jáne áıgili ánshi Roza Baǵlanovanyń 100 jyldyq mereıtoılary atalyp ótti. Qazaqstannyń «Býrabaı» memlekettik ulttyq parki men Marqakól memlekettik tabıǵı qoryǵyn ıÝNESKO-nyń dúnıejúzilik bıosferalyq rezervattar jelisine qosý týraly ulttyq ótinimi qanaǵattandyryldy.
