«Býrabaı» ulttyq parkindegi kólderden 26 tonnadan astam qoqys jınaldy
ASTANA. KAZINFORM – Jasy basynan beri QR PІB «Býrabaı» ulttyq parkiniń aýmaǵyndaǵykólderdiń muz basqan aıdyndary men jaǵalaýynan 26 tonnadan astam qoqys shyǵaryldy.
Qys mezgilinde áýesqoı balyqshylar men tabıǵat aıasynda demalýshylarshashqan qaldyqtardy «Býrabaı» ulttyq parkiniń qyzmetkerleri «Móldiraıdyn» aktsııasynyń aıasynda únemi tazalap turady. Qoqys jınalmaı qalsa, tabıǵatqa zalal kelip, balyqtardyń qyrylýyna da ákep soqtyrýy múmkin.
Dástúrli aktsııa boıynsha búgin de Ulttyq parktiń alpystan astam qyzmetkerijergilikti azamattarmen birlesip, Býrabaı, Shýche, Qatarkól, Kishi Shabaqty kólderiniń aıdyny men tóńireginde tazalyq jumystaryn júrgizdi. Aktsııaǵa «Býrabaı-Damý» seriktestigi de atsalysqanyn aıta keteıik. Turmysqaldyqtary, qurylys materıaldarynyń bólikteri, temeki tuqyldary syndy1 tonnaǵa jýyq qoqys shyǵaryldy.
— «Býrabaı» ulttyq parki aýmaǵyndaǵy kólderdiń ıhtıofaýnasy qystanjaqsy shyqty. Qys boıy Júkeı men Qatarkólde 23 ret aeratsııa jumysy júrgizilip, balyqtar men basqa da jándikterge ottegi jetkilikti bolýynajaǵdaı jasaldy. Ózderińiz kórip turǵandaı, muz erigen kezde kól lastanbaýyúshin aldyn-ala aıdyndy tazartyp shyqtyq. Alda jaz maýsymy, Halyqtan ótinerimiz, demalýǵa kelgende, balyq aýlaǵanda qaldyq qaldyrmasa eken, — deıdi ınjener-ıhtıolog Nurman Aıthojın.