«Býrabaı» ulttyq parkindegi kólderde aeratsııa jumysy bastaldy
ASTANA. KAZINFORM — Bul protsess sýdy ottegimen qanyqtyrady jáne sý obektileriniń ekojúıesin saqtaýǵa kómektesedi, dep habarlaıdy «Býrabaı» MUTP baspasóz qyzmeti.
Bıylǵy is-shara Qatarkól, Júkeı, Tekekól jáne Úlken Shabaqty kólderin qamtıdy jáne onyń nátıjeleri sýdyń kúıine men ıhtıofaýnaǵa oń áserin tıgizedi.
— Kólder — bul barlyq tirshilik ıeleri sııaqty kútimdi qajet etetin tiri organızm. Ottegi jetkilikti bolmasa, balyq pen sý obektileriniń basqa mekendeýshileri tiri qalmaıdy. Bul jaǵaıǵa jol bermeý úshin jumys istep jatyrmyz, — deıdi ınjener-ıhtıolog Nurman Aıtqojın.
Aeratsııa zamanaýı ádistermen júzege asyrylady: qyzmetkerler sýdy ottegimen qanyqtyrý úshin aralastyratyn sorǵylardy paıdalanady. Qamys sııaqty tabıǵı mehanızmderdiń de paıdasy bar, ony sýǵa ottegin jiberetin sý «kómekshisi» desede bolady.
Jumys ótken aptada bastalyp, aqpan aıynyń sońyna deıin jalǵasady.
— Aeratsııa tek tehnıkalyq protsess emes, bul kólderdiń erteńgi bolshaǵyna qosqan úlesimiz. Biz balalarymyz ben nemerelerimiz úshin Býrabaıdyń biregeı tabıǵatyn saqtaýǵa múmkindik beretin jaǵdaı jasaımyz, — dedi Nurman Aıtqojın.
Bul is-sharalar ekojúıeniń densaýlyǵyn qoldap qana qoımaı, kólderdi balyqshylar men týrıster úshin tartymdy etip, parktiń Qazaqstannyń tabıǵı ǵajaıyptarynyń biri retindegi mártebesin nyǵaıtady.
Buǵan deıin Býrabaıdaǵy balamasy joq mýltımedııalyq keshenge 7 myńnan astam týrıst kelgeni belgili boldy.