Býrabaı ulttyq parkinde orman órtin sóndirýge tikushaq tartyldy
ASTANA. KAZINFORM — «Býrabaı» memlekettik ulttyq tabıǵı parkiniń aýmaǵyndaǵy Kókshetaý taýynyń eki qarama-qarsy betkeıinde orman tósenishi men ósimdik jamylǵysy jandy.
Órt oshaqtaryn sóndirýge Aqmola oblysy TJD, «Býrabaı» MUTP jáne «Qazavıaormanqorǵaý» RMKK-nyń 150-den astam qyzmetkeri men 17 tehnıkasy jumyldyryldy.
Sondaı-aq, QR TJM «Qazavıaqutqarý» MI-8 tikushaǵy tartylyp, 15 ret sý tasyp, jalpy kólemi 75 tonna sý tógildi.
Qazirgi ýaqytta bir órt oshaǵy tolyq sóndirildi. Ekinshi oshaq oqshaýlanyp, ony «Býrabaı» MUTP kúshteri kúzetý jumystaryn júrgizýde.
Zardap shekkender joq. Aldyn ala málimet boıynsha, órttiń shyǵýyna naızaǵaı sebep bolǵan.
