Býrabaı ulttyq parkinde qanaty qaıyrylyp, usha almaı qalǵan qyrǵı qutqaryldy

«Býrabaı» ulttyq parkiniń qyzmetkerleri qanaty qaıyrylyp, usha almaı qalǵan arajegish qyrǵıdy aman alyp qaldy, dep habarlaıdy QazAqparat. 

Orman sheberi Sergeı Shıdlovskıı men tabıǵat qorǵaý ınspektory ıAkov Vakker qyrǵıdy «Býrabaı» orman sharýashylyǵy aýmaǵynan taýyp aldy.

– Usha almaı, jer baýyrlap jorǵalaǵan qusty baıqap, ustap aldyq. Bir qanaty synǵan eken. Arajegish qyrǵı uıasyn aǵash basyn salyp, ishine mamyq pen múk tóseıdi. Biz sol mańaıda asyqpaı sholyp shyǵyp, uıasy joq ekenine kóz jetkizdik, – deıdi Sergeı Shıdlovskıı.

Olar qusty Prezıdent is basqarmasyna qarasty «Býrabaı-Damý» kásipornynyń zoologııalyq panajaıyna ákelip tapsyrdy.

– Arajegish qyrǵı – sırek kezdesetin jyrtqysh qus. Ol negizinen baqa, qurt jáne jıdektermen qorektenedi. Aralardyń omartasyn buzyp, dernásilin jegendi jaqsy kóredi, sol úshin arajegish atalyp ketken. Bizdiń parktiń terrıtorııasynda jıi kezdesedi, - deıdi ınspektor ıAkov Vakker. 

Qutqarylǵan qustyń jaǵdaıy táýir. Zoologııalyq panajaı mamandary qyrǵıdyń qanatyn emdep, jazylǵannan keıin erkindikke jiberýge tıis.