Býrabaı TMD-daǵy eń tanymal shıpajaılardyń alǵashqy úshtigine kirdi

NUR-SULTAN. QazAqparat - TýrStat týrıstik portaly jaz aılarynda shıpajaı-kýrorttyq jáne emdeý-saýyqtyrý demalysy úshin TMD-nyń eń úzdik elderi men shıpajaılarynyń reıtıngin jarııalady, dep habarlaıdy QazAqparat.

Atalǵan reıtıngte TMD elderindegi saýyqtyrý demalysy men emdelý úshin eń tanymal memleketterdiń tizimin Belarýs, Qazaqstan jáne Ázerbaıjan shıpajaılary bastap tur. Emdeý-saýyqtyrý demalysy úshin úzdik bestikke Belarýstaǵy Naroch, Qazaqstandaǵy Býrabaı, Ázerbaıjandaǵy Naftalan, Armenııadaǵy Djermýk jáne Qyrǵyzstandaǵy Ystyqkól shıpajaılary kiredi.

TMD elderi shıpajaılarynda qoný, tamaqtaný jáne em alý úshin ár kelýshi ortasha eseppen táýligine 17 myń teńge jumsaıdy.

Reıtıng shıpajaı-kýrorttyq jáne emdeý-saýyqtyrý demalysy úshin TMD shıpajalarynyń tanymaldyǵyna saraptama jasaý nátıjesinde ázirlengen.