Býrabaı taýynda «BURABAY» jazýy ornatyldy
KÓKShETAÝ. QazAqparat - Býrabaı aýdanynyń Şýche qalasynda taýdyń ústine «BURABAY» jazýy ornatyldy, dep habarlaıdy QazAqparat tilshisi.
Kalıfornııadaǵy belgili HOLLYWOOD jazýy ispettes alyp áripter Şýchınsk qalasyndaǵy telemunaranyń janyndaǵy taýǵa ornatyldy.
Jalpy uzyndyǵy 60 mert, bıiktigi 14 metrdi quraıtyn áripter túnde túrli-tústi bolyp janady.
«Bul jazý Býrabaıdyń adamdar sýretke túsetin súıikti jerleriniń biri bolatyny sózsiz. Sonymen qatar, kýrorttyń sımvoly retinde óńirge týrısterdi tartýǵa da septigin tıgizbek», - deıdi Aqmola oblysy ákiminiń týrızm jónindegi keńesshisi Marat Iǵalı.
Sonymen qatar, Býrabaıda bıylǵy týrıstik maýsym ashylǵan kezde «Vızıt ortalyq» aýmaǵynda akvapark ashyldy.
Aınalma jol aıyryǵynda «I Love Burabay» ádemi sáýletti kompozıtsııa ornatylǵanyn da atap ótken jón.
