Býrabaı taýynda «BURABAY» úlken jazýy paıda bolady

KÓKShETAÝ. QazAqparat - Jańa jaz maýsymynyń ashylýy qarsańynda Aqmola oblysynyń ákimi Málik Myrzalın kýrort aýmaǵyn tártipke keltirýdi jáne qyzmetterdiń sapasyn arttyrý boıynsha shara qoldanýdy tapsyrdy. Bul týraly aımaq basshysynyń baspasóz qyzmetinen málim etti, dep habarlaıdy QazAqparat tilshisi.

Bıylǵy jyly jaz maýsymynyń bastalýyna qaraı Býrabaı kýrortynyń qonaqtary úshin jaıly jaǵdaı jasaý maqsatynda sý, elektr qýatyn jáne basqa da ınjenerlik kommýnıkatsııalardy jetkizý arqyly birneshe kempıngterdi, sondaı-aq orynturaq aımaqtaryn abattandyrý josparlandy.

«Jaǵajaı aımaǵynyń aýdanynda «Vızıt ortalyq» aýmaǵynda akvapark ashý josparlanýda, aınalma jol aıyrymynda qonaqtardy «I Love Burabay» ádemi sáýletti kompozıtsııa qarsy alatyn bolady. Kalıfornııadaǵy belgili HOLLYWOOD jazýy tárizdes taǵy bir «Burabay» jazýy Şýchınsk qalasy telemunarasynyń aýdanyndaǵy tóbeshik shatqalynda paıda bolady», - dep málim etti baspasóz qyzmeti.

Ortalyq jaǵajaıda kýrort aımaǵynyń naǵyz ózeginde jaǵalaý aımaǵyna shyǵýymen abattandyrylǵan alleıa paıda bolady. Olardy boılaı demalýshylarǵa arnalǵan oryndyqtar ornalastyrylady, kesh ýaqytynda aýmaqqa jaryq beriledi.

Ortalyq kóshede, ortalyq alańnyń jaǵajaı aımaǵynda biryńǵaı úlgidegi modýldi dárethanalar ornatylady, olardy múmkinshilikteri shekteýli adamdar paıdalana alatyn bolady.
 

Jaz maýsymyna daıyndalý aıasynda Býrabaı kentinde qoqysty bólek jınastyrýdy uıymdastyrýdy qamtamasyz etý jumysy júrgiziledi. Sonymen qatar, «Şýchınsk» shıpajaıynyń aýdanynda kempıngterdi ornatý jáne jaǵajaılardy jaıǵastyrý úshin qummen relefti tegisteý arqyly jaǵajaı aýmaǵyn ósimdikten sanıtarlyq tazalaý júrgiziletin bolady. Týrısterdiń baǵdarlanýynyń ıkemdiligi úshin, kýrort aımaǵynda jol jáne aqparattyq siltegishterdi ornatý josparlanýda. Qylqan japyraqty aǵashtar ortalyq kóshelerge kórik beredi.
 

Sonymen qatar, jaz maýsymy bastalǵanǵa deıin, Býrabaı kentinde oblys ákimi rettelmegen saýda máselesin sheshýdi tapsyrdy. «Esil» álemýettik kásipkerlik korporatsııasy arqyly saýda obektilerin ornatý sheshimi qabyldandy. Bul tetik kásipkerlerdiń saýda oryndaryn alýdaǵy ashyqtyq pen jarııalyq bóliginde senimin arttyrýǵa múmkindik beredi. ıAǵnı, jańa jumyc oryndaryn ashýdy qamtamasyz etedi, jergilikti bıýdjetke salyq túsimderin arttyrady, kýrorttyń syrt kelbetin jaqsartady.