Býrabaı taýynda aıaǵyn shyǵaryp alǵan týrıst qutqaryldy

BÝRABAI. QazAqparat – Býrabaı kýrortynda taýǵa kóterilgen túrkistandyq áıel aıaǵyn shyǵaryp alǵan, dep habarlaıdy QazAqparat tilshisi.

Aqmola oblystyq TJD baspasóz qyzmetiniń málimetinshe, jazataıym oqıǵa Kókshe taýynda bolǵan.

«Túrkistan oblysynan kelgen 50 jastaǵy áıel «Kókshe» taýynan túsip kele jatqanda aıaǵy taıyp, býynyn shyǵaryp aldy. Shaqyrý oryna dereý Býrabaı kentindegi №7 qutqarý jasaǵynyń qutqarýshylary bardy. Qutqarýshylar zardap shegýshini 600 metr bıiktikten túsirip, jedel járdem brıgadasyna tapsyrdy», - dedi vedomstvodan.

Osy rette, óńirdiń TJD qyzmetkerleri demalýshylardy taýǵa, tabıǵat aıasyna shyqqanda qaýipsizdik erejelerin saqtaýǵa shaqyrady.

Aıta ketsek, budan buryn Býrabaıda daýyl turyp, sýdan eki sheteldik qutqarylǵan bolatyn.