«Býrabaı» parkiniń aýmaǵyna kólikpen kirýdiń tarıfi qansha

ASTANA. KAZINFORM – Prezıdent is basqarmasy «Býrabaı» memlekettik ulttyq tabıǵı parkiniń aýmaǵynda kórsetiletin qyzmetterdiń tarıfi týraly buıryq jobasyn kópshilik talqylaýyna shyǵardy. 

Kólikke park aýmaǵynan turaq berý quny bir saǵatqa 150 teńge dep kórsetilgen. Al park aýmaǵyna jeńil kólikpen kirýdiń quny 0,4 aılyq eseptik kórsetkish (1476 teńge-red.) dep belgilenbek. Kirý aqysy 16 oryndyq avtobýstar úshin 1 AEK (3 692 teńge), 16-32 oryndyq avtobýstar úshin 2 AEK (7 384 teńge), 32-den artyq jolaýshyǵa arnalǵan avtobýstar úshin 3 AEK (11 076 teńge) bolatyny aıtylǵan.

Sondaı-aq, qujatta park aýmaǵynda qyzmet kórsetý oryndaryn jaldaý aqysyna baılanysty tarıfter de jarııalanǵan.

Parktiń kúzetiletin aımaǵymen shekarada turatyn turǵyndardyń, zeınetkerler men múgedektigi bar adamdardyń, Ekinshi dúnıejúzilik soǵys ardagerleri men oǵan teńestirilgenderdiń, basqa memleketter aýmaǵyndaǵy áskerı qımyldar ardagerleriniń, tıisti taný belgileri bar TJM, ІІM, Áskerı polıtsııa, UQK kólikteri, elektromobılder «Býrabaı» MUTP aýmaǵyna kirý aqysynan bosatylady.

Aıta keteıik, bıyl 8 shildede Memleket basshysy «QR keıbir zańnamalyq aktilerine erekshe qorǵalatyn tabıǵı aýmaqtar jáne elektr energetıkasy máseleleri boıynsha ózgerister men tolyqtyrýlar engizý týraly» zańǵa qol qoıdy. Bul ózgeristerge baılanysty Almaty oblysynyń aýmaǵynda Ulttyq tabıǵı parkterdiń basshylary pikir bildirdi.