«Burabay Open-2018» ashyq shahmat festıvali bastaldy
KÓKShETAÝ. QazAqparat - Býrabaıdaǵy Qatarkólde tuńǵysh ret uıymdastyrylyp jatqan «Burabay Open-2018» ashyq shahmat festıvaliniń ashylý rásimi ótti, dep habarlaıdy QazAqparat tilshisi.
«KEGOC servıs» oqytý ortalyǵynda uıymdastyrylǵan jarysqa «ASTANA» ortalyq shahmat klýby» seriktestiginiń bas dırektory Abylaı Tastambekov jáne Astana qalasy men elimizdiń 11 oblysynan kelgen júzden astam shahmatshy qatysyp otyr. Oblys ákimi adamnyń oı-órisin arttyratyn shahmat festıvaliniń kórikti Býrabaı kýrortynda ótkizilip otyrǵandyǵyna erekshe toqtala kele, jarysqa qatysýshylarǵa sáttilik tiledi.
«Shahmat - bul sport pen ǵylymdy qajet etetin ıntellektýaldy oıyn. Adamnyń oı órisin arttyrý arqyly tulǵa bolyp qalyptasyp, alǵa qoıǵan maqsatyna jetýge atsalysady. Bizdiń oblysymyzda da bul sport túri qarqyndy damyp keledi. Týrnır tartysty ári qyzyqty ótetinine senimdimin. Barlyq sportshylarǵa sáttilik tileımin», - dedi oblys ákimi.
Oblystyq dene shynyqtyrý jáne sport basqarmasynyń málimeti boıynsha týrnır tamyzdyń 27-ne deıin jalǵaspaq. Jeńimpazdar oblys ákimi tikken aqshalaı syılyqpen marapattalady.
