Býrabaı men Zerendini jalǵaıtyn jol jaqynda aıaqtalady

KÓKShETAÝ. QazAqparat - Aqmola oblysynda eki demalys kýrortyn jalǵastyratyn «Şýchınsk-Zerendi» tas jolynyń qurylysy aıaqtaldy. Bul týraly oblys ákiminiń orynbasary Marat Iǵalıev óziniń facebook paraqshasynda jazdy, dep habarlaıdy QazAqparat.

«Endi Zerendige Şýchınskiden týra barýǵa bolady. Jol qurylysy aıaqtalyp qaldy», - dedi M.Iǵalıev.

Aıta ketsek, Aqmola oblysy aýmaǵyndaǵy respýblıkalyq mańyzy bar «Şýchınsk-Zerendi» tas jolynyń qurylysy 2017 jyly bastalǵan bolatyn. Alǵashqy jyly 7 mıllıard teńge qarjy ıgerilse, ótken jyldyń jumys qorytyndysy boıynsha jol qurylysyna 3,3 mıllıard teńgeden astam qarajat jumsaldy.

Eni 3,5 metr jáne eki qozǵalys jolaǵynan turatyn, ІІ jáne ІІІ sanatqa jatatyn jol kólikterdiń saǵatyna 100 shaqyrym jyldamdyqpen júrýine arnalǵan.

Uzyndyǵy 80 shaqyrymdy quraıtyn tas jol boıynda 63 sý ótkizetin qubyr, 2 demalys alańy men 4 avtobýs pavılony, odan bólek 15 shaqyrym qardy ustaıtyn jáne 14 shaqyrym barerlik qorshaý qarastyrylǵan. Atalǵan tas jol Zlatopole, Savınka, Vedenovka, M.Ǵabdýllın, Serafımovka jáne taǵy basqa eldi mekenderdiń ústinen ótedi