Býrabaı kýrortynyń biryńǵaı sáýlet kelbeti qalyptasýda
KÓKShETAÝ. QazAqparat - Aqmola oblysynda Býrabaı kýrortynyń biryńǵaı sáýlet kelbetin qalyptastyrý boıynsha belsendi jumystar júrgizilýde, dep habarlaıdy QazAqparat tilshisi aımaq basshysy Málik Myrzalınniń áleýmettik jelidegi jeke paraqshasyna silteme jasap.
«Býrabaı kentiniń ortalyq alańynda abattandyrý jumystary joǵary qarqynmen júrgizilýde. Onyń ishinde jol jıegine beder tas tósep, gúlzarlar otyrǵyzý jumystary aıaqtalýǵa jaqyn qaldy. Sondaı-aq, qazirgi zamanǵy talaptarǵa saı tamaqtaný oryndary ashylýda», dep jazady aımaq basshysy Feısbýktegi óziniń paraqshasynda.
Sonymen qatar, ol aldaǵy ýaqytta qoǵamdyq tamaqtaný oryndarynyń kóptep ashylatynyn da atap ótken.
«Jaqyn kúnderi kýrortty aımaqta týrıster úshin 20-dan astam street food pavılonyn ashý josparda bar. Qazirdiń ózinde ortalyq jaǵjaıǵa aparatyn alleıanyń boıynda Býrabaıǵa demalýǵa kelgen alǵashqy týrısterdi kezdestirýge bolady.
Jaryqtandyrylǵan kóshelerdiń boıynda ornatylǵan oryndyqtarda aqparattyq baǵyt-baǵdarlar men «I love Burabay» belgisi qoıylǵan. Munda jol, ǵımarattardyń syrtqy kelbeti qalpyna keltirilip, mańy abattandyrylýda», dep kórsetilgen jazbada.
