Býrabaı kýrortynda jańa attraktsıondar parki ashylady

KÓKShETAÝ. QazAqparat – Býrabaı kýrortynda demalýshylar úshin qyzmet kórsetetin jańa attraktsıondar parki ashylady, dep habarlaıdy QazAqparat tilshisi «Býrabaı damý» JShS biryńǵaı baılanys ortalyǵynyń basshysy Azamat Baımuqanovqa silteme jasap.

Onyń aıtýynsha, Býrabaıda bıiktigi 42 metrlik sholý sheńberi salynyp jatyr. Sonymen birge otbasylyq, balalar jáne ekstremaldy baǵyttaǵy attraktsıondar ashý da qarastyrylǵan. Nysan qurylysy «Şýche-Býrabaı kýrorty aımaǵyn damytý» memlekettik baǵdarlamasy sheńberinde jeke ınvestorlardy tartý arqyly júzege asyrylýda. Sholý sheńberi men túrli qyzyqty attraktsıondar Býrabaı kýrortyna demalýǵa keletin týrısterdiń kóńil kóterip, demalatyn súıikti ornyna aınalmaqshy.

«Bul - jalpy quny 347 mıllıon teńgeni quraıtyn ınvestıtsııalyq joba. Ony ınvestor «Koleso ýdachı» JShS júzege asyrýda. Nysan Býrabaı kentindegi «Býrabaı damý» JShS vızıt ortalyǵynyń aýmaǵynda ornalasady. Ony ústimizdegi jyldyń úshinshi toqsanynda paıdalanýǵa berý josparlanǵan», - deıdi Azamat Baımuqanov.

Bul Býrabaı turǵyndary men qonaqtaryna kýrorty aımaqtyń kórkin jyl boıy tamashalaýǵa múmkindik beredi. Attraktsıon táýlik boıy qyzmet kórsetip, onda 15 adam jumys isteıtin bolady.

«Kompanııa otbasylyq, balalar jáne ekstremaldy baǵyttaǵy attraktsıondar ashýdy qarastyryp otyr. Býrabaıǵa kelýshiler ýaqyttaryn qyzyqty ótkizedi dep úmittenemiz. Biz qazir, syrǵanaq, avtodrom, «shynjyr karýsel», kishkentaı balalar úshin shaǵyn attraktsıon, sondaı-aq, «Býmerang» jáne «NLO» ornattyq»,- deıdi «Koleso ýdachı» JShS basshysy Alekseı Kodochıgov.

Aıta keteıik, «Şýche-Býrabaı kýrorty aımaǵyn damytý» memlekettik baǵdarlamasy sheńberinde 2025 jyldary óńirge keletin týrıster sanyn 1,6 mıllıonǵa jetkizý josparlanyp otyr.