Býrabaı kýrortynda reseılik 9 jasar bala qutqaryldy
KÓKShETAÝ. QazAqparat - Aqmola oblysynyń Býrabaı kýrortynda sýǵa batyp kete jazdaǵan reseılik 9 jasar bala qutqaryldy, dep habarlaıdy QazAqparat tilshisi.
Aqmola oblystyq TJD baspasóz qyzmetiniń málimetinshe, oqıǵa shildeniń 9-da Kishi shabaqty kólinde bolǵan.
«Kishi shabaqty kólinde úrlemeli matraspen júzý kezinde 9 jasar balany tolqyn alyp ketken. Saǵat 14:05 ata-anasy qutqarýshylarǵa habarlasyp, kómek suraǵan. Arada birer saǵat ótken kezde qutqarýshylar katermen balaǵa jetip, ony jaǵaǵa alyp shyqty. Balanyń úsitnde qutqarý keýdeshesi bolmaǵan. Keıin belgili bolǵandaı bala Býrabaıǵa ata-anasymen Reseıden demalýǵa kelgen», deıdi vedomstvo ókilderi.
Qutqarýshylar sýǵa shomylǵan kezde qaýipsizdik sharalaryn qatań saqtaýǵa shaqyrady. Sondaı-aq, ata-analarǵa sý qoımalarynda balany baqylaýsyz qaldyrmaýdy eskertedi.
