Býrabaı kýrortyn damytýda biraz sharýalar atqaryldy - Arystanbek Muhamedıuly

KÓKShETAÝ. QazAqparat - QR Premer-mınıstri Baqytjan Saǵyntaevtyń tóraǵalyǵymen Aınakóldiń jaǵasyndaǵy «Álem» qonaqúıinde kýrortty aımaqtaǵy týrızmdi damytý jaıyna arnalǵan májilis ótti. Májiliste QR Mádenıet jáne sport mınıstri Arystanbek Muhamedıuly týrızmniń qazirgi jaıy men bolashaq damý baǵdary jóninde baıandama jasady, dep habarlaıdy QazAqparat tilshisi.

Onyń sózinshe, 2017 jyly Búkilálemdik ekonomıkalyq forýmnyń týrızmniń básekelestikke qabilettilik ındeksi boıynsha Qazaqstan álemniń 136 eliniń arasynda 81-shi oryndy ıelengen. 2015 jyly elimiz 85-shi, al 2011 jyly 93-shi orynda bolǵandyǵyn eskersek, Qazaqstan týrızmi jyl sanap aqyryndap damyp kele jatqanyn baǵamdaýǵa bolady. Premer-Mınıstrdiń tapsyrmasy boıynsha «Jobalyq basqarý» baǵdarlamasy sheńberinde týrızm ulttyq ekonomıkamyzdyń alty jetekshi salasynyń qataryna engizildi. Otandyq týrızmniń aldyna zor maqsat qoıylyp otyr: týrızm salasynan túsetin tabys kólemin 2025 jylǵa qaraı jalpy ishki ónimniń 8 paıyzyna deıin jetkizý josparlanǵan. Týrızm salasyn serpindi damytý, eń aldymen bul salaǵa kásipkerlerdi belsendi tartýǵa baılanysty. ıAǵnı, týrızmniń damýy otandyq bıznestiń damýymen qatar júrmek. Bıylǵy jyldyń 30 maýsymyndaǵy Elbasy tapsyrmasy boıynsha Úkimet 2023 jylǵa deıingi merzimge arnalǵan Qazaqstannyń týrızm salasyn damytý tujyrymdamasyn qabyldaǵan bolatyn. Onda salany damytýdyń alty basym baǵytynyń ishinde «Tabıǵat jáne kóshpendiler mádenıetiniń birligi» klasterine Aqmola, Qaraǵandy jáne Pavlodar oblystarynyń kóshpendiler mádenıeti muralary engizildi. Býrabaı kýrortty aımaǵy osy klasterdiń ózegi bolyp tabylady.
«Býrabaı kýrortty aımaǵyn damytýǵa Úkimet kóp jyldardan beri jete kóńil bólip, bul baǵytta biraz sharýalardyń basy qaıyryldy. Qazirgi kúni kýrortty aımaqta tek otandyq demalýshylar ǵana emes, shet elderden, onyń ishinde irgeles Reseı men Qytaıdan, Túrkııadan, Iran, Úndistan sııaqty elderden kelip demalatyndar qatary óse túsken. Búgingi kúni Qazaqstan álemniń alpystan astam elimen vızasyz baılanys ornatqan. ıAǵnı, elimizdiń azamattary bul elderge vızasyz barýlaryna múmkindikteri bar. Býrabaı joǵaryda aıtylǵan «Tabıǵat jáne kóshpendiler mádenıetiniń birligi» klasteriniń mádenı ózegi bolýy tıis. Onda halyqaralyq dárejedegi sporttyq, mádenı, balalar men jasóspirimderge arnalǵan túrli sharalar, festıvalder men konkýrstar ótkizilip turatyn bolady. Mádenıet jáne sport mınıstrligi osy baǵytta maqsatty jumystar júrgizbek», - dep atap ótti Arystanbek Muhamedıuly.