Býrabaı kýrorty stansasynyń bastyǵy qyzmetinen bosatyldy - QTJ

ASTANA. QazAqparat - Býrabaı kýrorty stansasynyń bastyǵy Bókenbaı Jadyrasynovpen jasalǵan eńbek sharty onyń laýazymdyq mindetterin sebepsiz oryndamaǵany, «Іskerlik etıka kodeksi» talaptaryn buzǵany, eńbek ujymynyń jáne jumys berýshiniń senimin joǵaltqany úshin buzyldy.

Bul týraly «QTJ» UK» AQ baspasóz qyzmetinen habarlaıdy.

«Stansa bastyǵy B.Jadyrasynovtyń ústinen kompanııaǵa túsken aryz-shaǵymdar boıynsha arnaıy komıssııa qurylyp, qyzmettik tekseris júrgizildi. Qyzmettik tekseris barysynda onyń eńbek tártibi men etıkalyq talaptardy buzyp, eńbek ujymynyń senimin joǵaltqany anyqtaldy», delingen habarlamada. «QTJ» UK» AQ kompanııasy óz atyna kir keltiretin mundaı eńbekkerlerdiń jaýapsyz áreketterin aıyptap, barlyq deńgeıdegi basshylardyń qyzmettik etıkany saqtaýyna baqylaýdy kúsheıtedi, dep habarlaıdy kompanııadan.

Esterińizge sala keteıik, Býrabaı temirjolshylary sál ýaqyt buryn KTK telearnasynyń jýrnalısterine óz basshylaryna qatysty shaǵymdaryn jetkizgen bolatyn. Olardyń aıtýynsha, basshy ózine baǵynyshty qyzmetkerlerdi saıajaıynda jumys isteýge májbúr etken. Sondaı-aq ol dostarymen saýnaǵa barǵanda stansa qyzmetkerlerin shaqyrtyp alyp, jumsaǵan.