Býrabaı kýrorttyq aımaǵynda jas jigitterden quralǵan qylmystyq top ustaldy

BÝRABAI. QazAqparat – Býrabaı kýrorttyq aımaǵynda Aqmola oblysynyń Uıymdasqan qylmysqa qarsy kúres basqarmasy qyzmetkerleri bopsalaýshylar tobynyń jolyn kesti, dep habarlaıdy QazAqparat Polisia.kz-ke silteme jasap.

Polıtsııa departamenti arnaıy qurylymdary jaýyngerleriniń jáne uıymdasqan qylmyspen kúres basqarmasy qyzmetkerleriniń aýqymdy arnaıy operatsııasynyń nátıjesinde Şýchınsk qalasynda Býrabaı aýdanynyń aýmaǵynda bopsalaýmen aınalysatyn jas jigitter tobynyń qylmystyq qyzmeti toqtatyldy.
Uzaq merzimdi tekserý jumystary barysynda bopsalaýshylardyń jergilikti turǵyndardy, negizinen jastardy mobıldi bankıng arqyly aqshalaı jáne taýarlyq nesıe alýǵa májbúrlegenderi, al bas tartqan jaǵdaıda zorlyq-zombylyq kórsetip qorqytqany anyqtaldy. Toptyń qylmystyq is-áreketteriniń dáleldemelik bazasyn jınaý úshin UQQKB qyzmetkerleri birqatar arnaıy jedel is-sharalar ótkizdi. Sonyń nátıjesinde bopsalaý, tonaý, alaıaqtyq jasaý jáne qylmystyq qaqtyǵystarǵa qatysý derekteri anyqtalyp, resmı túrde qujattaldy jáne qylmystyq isterge tirkeldi.
Arnaıy operatsııa barysynda polıtsııa qyzmetkerleri tintý is-sharalaryn júrgizip, qatysýshylardyń uıaly telefondaryn tárkiledi. 4 derekke qatysty QR QK-niń 194-babynyń 1-bóligi jáne 194-babynyń 2-bóligi (Bopsalaý) boıynsha sotqa deıingi tergeýler júrgizilip jatyr.

Polıtsııa bólimine 8 aıyptalýshy jetkizildi, onyń 4-eýi ýaqytsha ustaý ızolıatoryna qamaldy. Polıtseıler ustalǵandardyń zańsyz áreketterinen zardap shekken azamattardyń barlyǵyn anyqtaý boıynsha keshendi jedel jáne tergeý is-sharalaryn júrgizip jatyr.