Býrabaı kýrortty aımaǵy ıÝNESKO-nyń geoparkter tizimine enýi múmkin
KÓKShETAÝ. QazAqparat - Býrabaı kýrortty aımaǵy ıÝNESKO-nyń geoparkter tizimine enýi múmkin. Bul týraly Býrabaıda ótken geoǵylym jáne geoparkter boıynsha ıÝNESKO-nyń Halyqaralyq baǵdarlamasynyń semınarynda talqylandy, dep habarlaıdy «QazAqparat» HAA tilshisi Aqmola oblysy ákiminiń baspasóz qyzmetine silteme jasap.
Semınar Aqmola oblysynyń ákimdigi, Qazaqstan Respýblıkasynyń ıÝNESKO jáne ISESKO isteri jónindegi Ulttyq komıssııasy, Qazaqstandaǵy ıÝNESKO-nyń jahandyq geoparkter jónindegi Ulttyq komıteti jáne «Býrabaı» MTUP qoldaýymen ótti. Sharada «Geopark» degenimiz ne? Biregeı geologııalyq sıpattaǵy aımaqtardyń geoparkterdi qurýdaǵy róli qandaı? Geoparkter erekshe qorǵalatyn tabıǵı aımaqtar retinde shektele me? Osy jáne basqa da suraqtar talqylandy.
Semınarǵa qatysý úshin ıÝNESKO-nyń Parıjdegi shtab-páterinen arnaıy shaqyrylǵan spıkerler keledi. Olar - ıÝNESKO-nyń Halyqaralyq Geoǵalymdar men geoparkter baǵdarlamasynyń dırektory Patrık Makkıver jáne ıÝNESKO-nyń Halyqaralyq Geoǵalymdar men geoparkter baǵdarlamasynyń konsýltanti - Sýren Gevınıan.
Sondaı-aq basqosýǵa Aqmola oblysy ákiminiń orynbasary Ashat Qaınarbekov, QR ıÝNESKO jáne ISESKO isteri jónindegi Ulttyq komıssııasynyń bas hatshysy Á. Ótegenova, ıÝNESKO-nyń Halyqaralyq Geoǵalymdar men geoparkter baǵdarlamasynyń dırektory Patrık Makkıver, QR AShM Orman sharýashylyǵy jáne janýarlar dúnıesi komıteti tóraǵasynyń orynbasary Q. Óstemirov, jáne Qazaqstandaǵy ıÝNESKO-nyń jahandyq geoparkter jónindegi Ulttyq komıtetiniń tóraǵasy - D. Výdvord sóz sóıleıdi. Sondaı-aq, semınarǵa kórnekti qazaq geologtary, jetekshi ǵalymdar, bıologtarmen geograftar, halyqaralyq uıymdar men bıznes-qoǵamdastyqtary, BAQ ókilderi men jergilikti turǵyndar qatysty.
Óziniń baıandamasynda Á. Ótegenova semınardyń múddeli taraptardyń Qazaqstanda ıÝNESKO-nyń alǵashqy geoparkterin qurý jónindegi dıalogyna biregeı alańyn qamtamasyz etetindigin atap ótti.
«Bul bastama, ásirese EHRO 2017 qarsańynda ózekti bolyp tabylady, sondaı-aq 2050 Strategııasyn júzege asyrýǵa yqpal etedi jáne de tabıǵı resýrstardyń sarqylýy máselesin qarastyrady. Eko jáne geotýrızmniń damýy bizdiń elge shıkizat óndirý ekonomıkasyna táýeldiligin birtindep azaıtý ǵana emes, sonymen qatar halyqaralyq arenada Qazaqstannyń týrıstik baǵyt ımıdjin jaqsartýǵa múmkindik beredi», - dedi.
Qazaqstan Respýblıkasynyń ıÝNESKO jáne ISESKO isteri jónindegi Ulttyq komıssııasy 1992 jyldan bastap jumys atqarýda. Komıssııanyń basty maqsaty ıÝNESKO-nyń quzyreti salalarda halyqaralyq gýmanıtarlyq yntymaqtastyq jasasý bolyp tabylady, sondaı-aq ıÝNESKO-nyń is-sharalaryna qatysý arqyly halyqtardyń ózara túsinistigine baǵyttalǵan rýhanı kelisýine jáne halyqtyń toptasýyna, bilim baǵdarlamalaryn jetildirýge, mádenıetterdiń ártúrliligin damytýǵa jáne taratýǵa, mádenı murany saqtaýǵa jáne arttyrýǵa, sondaı-aq dástúrli bilim men daǵdylardy, aqparattyń bostandyǵyna yqpal jasaýǵa qyzmet etedi. Komıssııa janynda 6 ulttyq komıtet jumys atqarady, onyń ishine jaqynda qurylǵan ıÝNESKO jahandyq geoparkter isteri jónindegi Ulttyq komıteti de kiredi.
