Býrabaı kýrortyna qatynaıtyn jolaýshylar poıyzynyń sany onǵa deıin ulǵaıdy
ASTANA. KAZINFORM — Ulttyq tasymaldaýshy jazda Býrabaı baǵyty boıynsha 144 myńnan astam jolaýshyny tasymaldaýdy josparlap otyr. Bul týraly «Jolaýshylar tasymaly» AQ baspasóz qyzmeti málim etti.
Jazǵy demalys maýsymynda ulttyq tasymaldaýshy Býrabaı kýrorty baǵyty boıynsha 144 myńnan astam jolaýshyny tasymaldaýdy josparlap otyr. Tabıǵaty kórkem óńir jyl saıyn ishki týrızmniń eń suranysqa ıe baǵyttarynyń biri retinde myńdaǵan demalýshyny qabyldaıdy.
Jolaýshylardyń qatynaýyn qamtamasyz etý maqsatynda Býrabaı kýrorty stantsııasynda túrli sanattaǵy 10 jolaýshylar poıyzy aıaldaıdy. Olar kýrorttyq aımaqty elimizdiń iri qalalarymen jáne óńirlerimen baılanystyrady.
Býrabaı baǵyty boıynsha kelesi poıyzdar qatynaıdy:
1. №47/48 «Nurly jol – Atyraý» – kúnara;
2. №83/84 «Qaraǵandy – Máskeý» – aptasyna eki ret
3. №105/106 «Almaty – Petropavl» (Talgo) – kúnara;
4. №113/114 «Almaty – Qazan» – aptasyna bir ret;
5. №139/140 «Pavlodar – Presnogorkovskaıa» – kúnara
6. №145/146 «Nurly jol – Omby» – aptasyna úsh ret;
7. №323/627 «Nurly jol – Petropavl/Qyzyltý» – kúnara;
8. №887/888 «Nurly jol – Býrabaı kýrorty» – aptasyna bes ret;
9. №6829/6830 «Sorokovaıa – Kókshetaý» – kún saıyn;
10. №7507/7508 «Nurly jol – Kókshetaý» – kún saıyn.
Jolaýshylar poıyzdaryna bıletter satylymy poıyz jóneltiletin kúnge deıin 45 táýlik buryn ashylady jáne jóneltýge 10 mınýt qalǵanda toqtatylady. Al qala mańyndaǵy poıyzdarǵa bıletter 10 táýlik buryn satylymǵa shyǵyp, poıyz jónelgenge deıingi 10 mınýtqa deıin qoljetimdi bolady.
Bıletter resmı bilet.railways.kz saıtynda, «Jolaýshylar tasymaly» AQ bılet kassalarynda, sondaı-aq, bıletterdi satýdyń mobıldi servısteri arqyly qol jetimdi.
Qosymsha aqparatty 1433 tegin nómiri, sondaı-aq, «Jolaýshylar tasymaly» AQ @jolaushylar_tasymaly resmı Instagram-akkaýnty arqyly bilýge bolady.
Eske sala keteıik, jaqynda Aqmola oblysynda týrıstik maýsym resmı túrde ashyldy.
