«Býrabaı-Damý» JShS ujymy «Taza beısenbi» aktsııasyna qatysty
KÓKShETAÝ. KAZINFORM - QR Prezıdenti Іs Basqarmasyna qarasty «Býrabaı-Damý» JShS ujymynyń 30-dan astam qyzmetkeri «Taza Qazaqstan» jalpyulttyq ekologııalyq aktsııasy aıasynda ótken «Taza beısenbige» qatysty.
«Býrabaı-Damý» JShS baspasóz qyzmetiniń málimetinshe, aktsııa barysynda Abylaı han alańyn qoqystan tazartý jumystary júrgizildi.
«Býrabaı kýrortynda Abylaı han alańy týrısterdiń eń kóp baratyn orny bolǵandyqtan, munda tártip pen tazalyqty saqtaýǵa erekshe nazar aýdarylady. Aktsııa barysynda «Býrabaı-Damý» JShS qyzmetkerleri qoqys jáshikterin boıaý, shóp shabý, qoqys jınaý, jaıaý júrginshiler jolyn tazalaý, aǵashtardy baılanǵan matalardan bosatý sııaqty jumystar qolǵa alyndy», - dedi vedomstvodan.
Jalpy, jazǵy maýsym basylǵannan beri kúnine ortasha 5 tekshe metrge deıin qoqys shyǵarylady. Al 2023 jyly «Býrabaı-Damý» JShS kúshimen kýortty aımaqtan 1000 tekshe metrden astam qoqys tazartyldy.
Aıta ketsek, budan buryn Býrabaıda aǵash butaqtarynan 15 myńdaı shúberek sheshilgenin jazǵan edik.
