Býrabaı aýdanynyń jol qurylysyna 3,6 mlrd teńge bólindi
KÓKShETAÝ. QazAqparat - Bıylǵy jyly Şýche qalasyndaǵy avtokólik joldaryna ortasha jóndeý jumystary josparlanyp otyr. Bul týraly óńirlik kommýnıkatsııalar qyzmetinde ótken brıfıngte Býrabaı aýdanynyń ákimi Áset Muzdybaev aıtty, dep habarlaıdy QazAqparat tilshisi.
Aýdan ákiminiń aıtýynsha, kýrortty óńirdegi ózekti máselelerdiń biri-joldardy jóndeý.
«Aǵymdaǵy jyly «Býrabaı-Qatarkól» avtojolyn kúrdeli jóndeý (20 km), «Zelennyı bor-Mádenıet» avtojolyn ortasha jóndeý (27 km), Sarybulaq aýylyna deıingi joldy aǵymdaǵy jóndeý (50 mln teńge) boıynsha jobalardy iske asyrý jalǵastyryldy. Jalpy, bizde jalpy 3,6 mıllıard teńgege jol salý boıynsha tórt jańa joba bar», - dep atap ótti A.Muzdybaev.
Býrabaı kentiniń jol jelisin jańartý jobalaryna - Jambyl, Qazaqstan, Internatsıonalnaıa kóshelerin (jobanyń quny 1 mlrd 255,5 mln teńge) salý jáne qaıta jańartý, Tekekól kóliniń aınalasynda «Shabaqty kóliniń soltústik aınalma jolyna» deıingi avtojoldy salý (jobanyń quny 2 mlrd 78,2 mln teńge), Aýdandyq ishki ister biliminiń ǵımarattaryna kireberis joldar (jobanyń quny 193 mln teńge) jáne Býrabaı kentiniń kavalerııalyq vzvodyna apart jol(jobanyń quny 123,2 mln teńge), Şýche-Nıkolaevka jol ýchaskesin kúrdeli jóndeý jobasy kiredi.
«Aýdannyń aýyldyq okrýgterinde (Býrabaı kenti, Zelenyı bor, Baıanbaı, Jasyl, Atameken, Zlatopole, Savınka, Pervomaı aýyldary) joldardy ortasha jóndeý jumystaryn júrgizý úshin oblystyq bıýdjetten 384 mıllıon teńge bólindi. Sondaı-aq, Dmıtrıevka aýylynda ortasha jóndeý jumystaryn júrgizýge aýdandyq bıýdjetten 12,5 mıllıon teńge qarjy bólindi», - dep atap ótti aýdan ákimi.
