Býrabaı aýdanynda ólgen adamnyń súıekteri tabyldy
KÓKShETAÝ. QazAqparat – Aqmola oblysynyń Býrabaı aýdanynda qurylys jumystary kezinde adamnyń súıekteri tabyldy, dep habarlaıdy QazAqparat tilshisi.
«Bıylǵy jyldyń 29 naýryzynda Býrabaı aýdandyq PB kezekshi bólimine Mádenıet aýylynda jańadan salynyp jatqan ǵımarattyń qurylys jumystary kezinde adam súıekteri tabylǵandyǵy týraly habar tústi. Aıtylǵan jerge dereý polıtsııa qyzmetkerleri bardy. Qurylys jumystary barysynda adamnyń súıegine uqsas 18 súıek tabyldy», - dedi QazAqparat tilshisiniń saýalyna Aqmola oblystyq PD baspasóz qyzmetinen.
Vedomstvodan atap ótkendeı, qazirgi kezde osyǵan baılanysty sot-medıtsınalyq saraptama taǵaıyndaldy.
«Anyqtalǵandaı, súıek qaldyqtary tabylǵan jerde shamamen 35-40 jyl buryn jeke turǵyn úı bolǵan. Qazirgi ýaqytta osy ýchaskede «Býrabaı MUTP Zolotobor ormanshylyǵy» ǵımaratynyń qurylysy júrgizilýde», - dep tolyqtyrdy vedomstvonyń baspasóz qyzmetinen.
