Býrabaı aýdanyna 90 jyl: Ardagerler mereıtoılyq medaldarmen marapattaldy
KÓKShETAÝ. QazAqparat - Aqmola oblysynyń Býrabaı aýdany 90 jyldyǵyn dúrkiretip atap ótti, dep habarlaıdy QazAqparat tilshisi.
Astananyń 20 jyldyǵyna oraılastyrylǵan Şýchınsk qalasyndaǵy Mədenıet úıinde uıymdastyrylǵan sharada aımaq basshysy Məlik Myrzalın aýdan turǵyndar mereıli merekemen quttyqtady.
"Býrabaı Aqan seri, Birjan sal, Maǵjan jəne Səken jyryna qosqan kórikti de, kıeli meken. El tarıhymyzdy zertteý boıynsha qolǵa alynǵan Elbasynyń "Rýhanı jańǵyrý" baǵdarlamasyn júzege asyrý sheńberinde Býrabaıdaǵy Oqjetpes taýy, Abylaı han alańy, Kenesary úńgiri, Hannyń qyzyl aǵashy tərizdi tarıhy nysandar Qazaqstannyń kıeli jerleri kartasyna enip otyr. Bul biz úshin úlken abyroı. Jalpy, Býrabaı aýdanynyń oblystyń əleýmettik-ekonomıkalyq damýyna qosyp otyrǵan úlesi zor. Búgingi tańda kýrortty óńirde týrızdi damytý boıynsha aýqymdy jumystar júrgizilýde" deı kele, aımaq basshysy óńirdiń əleýmettik-ekonomıkalyq damýyna eleýli úles qosqan bir top býrabaılyqty Aqmola oblysy əkiminiń Alǵys haty jəne soǵys jəne tyl, eńbek ardagerlerin mereıtoılyq medaldarymen marapattady.
Sonymen qatar, sharaǵa arnaıy kelip, qatysqan Qazaqstan Respýblıkasy Prezıdenti Іs Basqarmasynyń apparat basshysy Azamat Əmirǵalıev quttyqtaý sóz sóılep, Alǵys hattar tapsyrdy.
Merekelik shara jergilikti kórkem ónerpazdar ujymynyń oryndaýdaǵy merekelik kontsertke ulasty.
Mədenıet úıiniń foıesinde uıymdastyrylǵan Býrabaı aýdanynyń tarıhı kórmesi jəne Şýchınsk qalasynyń ortalyǵynda aýyl sharýashylyǵy ónimderiniń azyq-túlik jármeńkesi de mereıtoıdyń shyraıyn asha tústi.
