Býrabaı aýdandyq aýrýhanasynyń jylytý júıesindegi aqaýlar joıyldy
KÓKShETAÝ. QazAqparat - Jylý júıesinde aqaý shyqqan Býrabaı aýdandyq aýrýhanasyndaǵy tótenshe jaǵdaı joıyldy, dep habarlaıdy QazAqparat oblystyq ishki saıasat basqarmasynyń baspasóz qyzmetine silteme jasap.
Eske sala keteıik, qys bastalmaı jatyp, Şýchedegi aýdandyq aýrýhanada tótenshe jaǵdaı oryn alǵan bolatyn. Osynyń saldarynan naýqastarǵa biraz qolaısyzdyqtar týyndaǵan edi.
Atalǵan medıtsınalyq mekemeniń basshysy Aıgúl Qudamanovanyń aıtýynsha, 2016-2017 jylý berý maýsymyna daıyndyq tıisti deńgeıde júrgizildi. Jylý rejiminiń tómendeýine gınekologııalyq bólimshedegi jylý qubyrynyń jarylýy sebep bolǵan. Alaıda, ýaqytyly júrgizilgen jedel sharalardyń arqasynda apat zardaptary joıylyp, sol kúni jylý berý protsesi qalpyna keltirildi.
«Qazirgi kezde jylý rejimi qalypty deńgeıde. Aýrhana men qazandyqqa jóndeý jumystary osydan birneshe jyl buryn júrgizilgen bolatyn. Osy kúni barlyq qazandyqtar qalypty deńgeıde jumys isteýde. Onyń ishinde eki qazandyq táýlik boıynsha jumys istese, taǵy úsheýi daıyn tur. Qazirgi kezde aýrýhanadaǵy jaǵdaı turaqty, baqylaýǵa alynǵan», - dedi bas dáriger.
