Býrabaı, Alakól, Kaspıı –týrıster qaı óńirlerdi jıi tańdaıdy
«Bıylǵy demalys maýsymynda otandyq týrısterdiń basty nazarynda Mańǵystaý, Býrabaı, Alakól kýrorttyq aımaqtary bolyp otyr. Sonymen qatar, jańadan ashylǵan týrıstik oryndar joǵary suranysqa ıe. Onyń ishinde, elorda irgesindegi Kóbeıtuz kóli jáne oǵan teńdes Pavlodar oblysyndaǵy Korıakovka kóli. Odan bólek, Aqmola oblysyndaǵy Bestóbe shatqaly men Sileti sý qoımasy jáne Almaty oblysyndaǵy Tekes sarqyramasy», - dep jaýap berdi «Kazakh Tourism» ulttyq kompanııasy QazAqparat tilshisi joldaǵan arnaıy saýalǵa.
Sondaı-aq, ulttyq kompanııanyń sońǵy ýaqytta jıi oryn alyp jatqan týrısterdiń demalys oryndaryn lastaýǵa qatysty ustanymyn bildik.
«Týrızmde, kez-kelgen bıznestegideı, naryqtyq mehanızmder jumys isteıdi. Suranys bolsa, áleýmettik jelilerde belsendi jarnama júrgizilse, osyndaı biregeı oryndarǵa týrıstik aǵyn óse bastaıdy. Alaıda, bul baqylaýsyz aǵyn tabıǵı nysannyń ekojúıesine keri áserin tıgizedi. Sol sebepti elimizde biregeı nysandar qorǵaýǵa alynady. Qazaqstan aýmaǵynda týrısterdi qyzyqtyratyn oryn kóp, alaıda memlekettik organdarda barlyq terrıtorııalardy baqylaýǵa jetkilikti resýrsy joq. Sondyqtan biz týrıstik resýrstardy uqypty paıdalanýǵa shaqyramyz jáne jaqyn arada osy másele boıynsha áleýmettik jelilerde belsendi jumysty bastaımyz», - delingen málimette.
