Býndestag ókilderi Pavlodar oblysynda júr
PAVLODAR. QazAqparat - Pavlodarǵa Federaldy úkimettiń qonys aýdarýshylar jáne ulttyq azshylyq isteri jónindegi ókili, depýtat Hartmýt Koshık bastaǵan Germanııanyń Býndestag jáne GFR qoǵamdyq uıym ókilderiniń delegatsııasy keldi, dep habarlaıdy «QazAqparat» HAA tilshisi.
Bul top Pavlodardaǵy «Zommerfest» nemis mádenıetiniń festıvaline qatysyp, Ýspensk aýdanyna, sondaı-aq ondaǵy etnıkalyq nemister tyǵyz ornalasqan aýmaqqa bardy jáne «Galıtskoe» JShS-ny aralady.
Sondaıı-aq olar «Vozrojdenıe» oblystyq nemis qoǵamynyń jumysyn talqylaý boıynsha ótken dóńgelek ústelge qatysyp, óńirde tabysty eńbek etip jatqan nemis kásipkerlermen kezdesti.
