Býndestag Grekııaǵa qarjylaı qoldaý kórsetýdiń úshinshi paketin bólýdi quptady
Jańa qoldaýdy basqarýshy Germanııanyń hrıstıandyq-demokratııalyq odaǵy, hrıstıandyq-áleýmettik odaǵy jáne Germanııanyń sotsıal-demokratııalyq partııasynyń jetekshi koalıtsııasynyń, sonymen qatar «jasyldar» partııasynyń depýtattarynyń basym bóligi qoldady. Grekııaǵa qoldaý kórsetý úshin 454 depýtat daýys berdi, 113 parlamentshi qarsy shyqty, al 18-i qalys qaldy. Búgin keshke qarjy mınıstrleri telefon arqyly konferentsııa ótkizip, Grekııaǵa 26 mlrd eýro kóleminde alǵashqy transhty aýdarýdy quptaıdy dep kútilýde. Úshinshi ret bólinetin qoldaý paketiniń jalpy somasy 86 mlrd eýrony quraýy tıis. Aıta keteıik, Germanııanyń qarjy mınıstri Volfgang Shoıble Býndestagta sóılegen sózinde nemis parlamentarshilerin Grekııaǵa 86 mlrd eýro kóleminde úshinshi ret kómek kórsetýdi qoldaýǵa shaqyrǵan edi. «Árıne, sońǵy jyldar men sońǵy aılardaǵy tájirıbeden keıin barlyǵy tıimdi bolady degen kepildik joq jáne kúmán bolýy oryndy, - dedi Shoıble óz sózinde. - Alaıda grekııalyq parlament kelisilgen sharalardyń basym bóligin maquldaǵanyna baılanysty múmkindikti paıdalanyp, Grekııa úshin barlyǵyn qaıtadan bastamasaq jaýapsyzdyq bolar edi».
