Bulttan asa bere qulaǵan ushaqta bolǵan qyz aman tabyldy
ASTANA. QazAqparat - Vashıngton shtatynda jeńil motorly ushaq qulaǵan kezde aman qalǵan boıjetken tabyly, dep jazady sheteldik BAQ.
16 jastaǵy Oýtemn Vıtchti avtomobılıst taýyp alyp ol boıjetkendi jaqyn mańdaǵy saýda ortalyǵyna ákelgen. Jergilikti sherıftiń aıtýynsha, Oýtemn birneshe kún boıy taýly jerlerde jol taba almaı júrgen.
Qazir ol aýrýhanada, jaǵdaıy turaqty. Bul rette bortta bolǵan taǵy eki adam jaıly esh aqparat joq. Qyzdyń apat jaıly bar aıtqany, ushaq bulttan asa bere birden jerge quldılaı jónelgen.
Jeńil motorly ushaqtyń joǵalǵany týraly senbide belgili bolǵan edi. Ol Vashıngton shtatynyń Lınden qalasyna kelip qonýy kerek bolǵan. Alaıda kókke kóterilgen soń ushaqpen baılanys úzilgen.
