Búlikshilerdi jınaý qalaı uıymdastyryldy - Bas prokýratýra
Vedomstvo málimetinshe, búlikti uıymdastyrýshylar naqty josparǵa saı áreket etken. Máselen, Almaty qalasynda jınalatyn eki oryn belgilengen. Onyń biri qalanyń batysyndaǵy – «Almaty Arena» sport keshininiń mańy, ekinshisi – shahardyń shyǵysyndaǵy «Halyq Arena» kesheniniń alańy. Eki jerde de jınalatyn ýaqyt birdeı – keshki saǵat 18:00-20:00 aralyǵy.
«Bul aqparattardy halyqqa «Whatsapp» jáne «Telegram» messendjerleri arqyly jetkizgen. Almatyda sanaýly saǵattardyń ishinde bir messendjerdiń qatysýshylar sany 140-tan 5,5 myńǵa deıin artqany anyqtaldy. Eki top ta bir mezette, ıaǵnı keshki saǵat 21:00-de bir baǵytqa qaraı qozǵala bastaıdy. Olar ákimdik ǵımaratyna betteıdi. Abaı, Tóle bı sııaqty kóshelermen júrip, jol boıy jolyqqandardy qatarǵa qosyp otyrady. Respýblıka alańyna jetkenshe, adam sany 10 myńǵa jýyqtaıdy. Taıaq, armatýra, dýbınka, balta sııaqty quraldarmen, janǵysh, jarylǵysh zattarmen qarýlanǵan búlikshiler polıtsııa qyzmetkerleri men áskerılerge qarsy soqqy beredi. Bir adamǵa birnesheýi jabyla ketedi», - delingen derekti fılmde.
Sonymen qatar, Bas prokýratýra Almaty oblystyq polıtsııa departamentiniń burynǵy basshysy Serik Kúdebaevtyń jumys ornyn tastap ketip bara jatqan vıdeosyn jarııalady.
