Búlikshiler qolǵa ilingenniń barlyǵyn alyp ketti – Semeı ákimdiginiń qyzmetkeri

SEMEI. QazAqparat – Semeı qalasynda jappaı tártipsizdikke qatysqandar ákimdik ǵımaratynan noýtbýk pen prınterlerdi alyp ketken, dep habarlaıdy QazAqparat tilshisi.

Qalalyq qarjy sharýashylyǵy bóliminiń basshysy Shynar Saǵadıevanyń aıtýynsha, 5 qańtarda bolǵan tártipsizdikter kezinde ákimdik ǵımaratyna kireberistegi esikter men terezeler synǵan.

«Birneshe qabattaǵy 25 tereze men 171 esik syndy. Budan bólek te materıaldyq shyǵyn keltirilgen. Atap aıtqanda, ústelder men oryndyqtar búlindi. Noýtbýktar, prınterler men dıktofondar urlanǵan. Búlikshiler qolyna ilingenniń barlyǵyn alyp ketti. Ákimdik qyzmetkerlerine tıesili basqa da zattar jymqyryldy. Qazirgi ýaqytta qalpyna keltirý jumystary júrgizilip jatyr. Kireberis jóndelip, terezeler ornatylýda», - dedi ol.

Alaıda ázirge keltirilgen shyǵynnyń naqty mólsheri belgisiz. Áli esepteý jumystary júrgizilýde.