«Búlik sındromynan» halyqqa ne paıda?»- respýblıkalyq basylymdarǵa sholý

***

«Taraz turǵyndary nege dúrlikti?». «Egemen Qazaqstan» gazetiniń jazýynsha, sáýirdiń 7-sinen 8-ine qaraǵan túni belgisiz bireýlerdiń jalǵan aqparat taratýynan Taraz qalasy­nyń turǵyndary ábigerge túsken. «Qyrǵyz eliniń Talas oblysyn­daǵy tártipsizdikke qatysýshylar­dyń bir toby Kırov sý qoımasyn jaryp jiberipti» degen habardy esti­gen tarazdyqtar oblystyq tóten­she jaǵdaılar jónindegi komıtetke máseleniń mán-jaıyn bilý úshin kesh­ki saǵat 21. 00. shama­synda habar­lasa bastaǵan. Sodan saǵat 23.00.-ge deıin olar 2500 qońy­raý ıelerin sabyrǵa shaqy­ryp, onyń jalǵan aqparat ekenin túsindirgen. Taǵdy­ryna alańdaǵan Taraz turǵyndary telefonmen oblystyq ІІD-ge de habarlasqan. Olarǵa jarty saǵattyń ishinde 640 qońyraý túsipti.

Jarııalanymda aıtylǵan jaıttyń egjeı-tegjeıin búgingi nómirden oqı alasyzdar.

Bul jaıt «Aıqyn», «Alash aınasy» gazetteriniń de nazarynan tysqalmaǵan.

«Evronıýs» telearnasyna bergen suhbatynda Elbasy Nursultan Nazarbaev Qyrǵyzstanda bolyp jatqan sońǵy oqıǵalarǵa baılanysty Qazaqstannyń ustanymyn aıqyndap berdi», dep jazady «Egemen Qazaqstan» gazeti.

Memleket basshysy baýyrlas memlekette qaıtadan turaqsyzdyq oryn alyp, turǵyn azamattardyń qany tógilgenine qynjylys bildirdi. Prezıdent EQYU Tóraǵasy retinde Qazaqstannyń Qyrǵyzstan boıynsha arnaýly ókildi - QR Parlament Májilisiniń vıtse-spıkeri J.Káribjanovty taǵaıyndap ta úlgergenin aıtty. EQYU Hatshylyǵynan Bishkekke EQYU Hatshylyǵynyń Qaqtyǵystardy boldyrmaý jónindegi ortalyǵynyń dırektory G.Zalber jiberilgen. «Nursultan Nazarbaev Qyrǵyzstanda oryn alyp jatqan ozbyrlyq pen tonaýshylyqty synǵa aldy», dep jazady basylym.

Elbasynyń suhbaty «Aıqyn» gazetinde de jarııalandy. Onda N.Nazarbaevtyń «Qyrǵyz Respýblıkasy - bizdiń kórshimiz. Men osy oqıǵaǵa úlken ókinishpen qaraımyn. Bizge óte jaqyn qyrǵyz aǵaıyndarymyzdyń osy ıirimge permenentti túrde túsetindigi ókinishti. Soǵan qaramastan, barlyq saıasatker halyqtyń qamyn oılap, oǵan jaqsylyq tileıtindigin aıtady», degen sózi keltirilgen.

Bul suhbatty basqan «Alash aınasy» gazetinde de Memleket basshysynyń «shyn mánisinde, ekinshi kún qatarynan onda tonaýshylyq júrip jatyr. Dúkenderdi qıratyp, órteýde, bankter jabyq, bıznes qaladan bas saýǵalaı qashyp, Qyrǵyzstannan kapıtal ketip jatyr. Turaqtylyq bolmaı - eshteńe bolýy múmkin emes. Saıasatpen, barrıkadaǵa shyǵýmen aınalyspaý kerek. Aldymen halyqty toıyndyrýmen, oǵan jumys berýmen shuǵyldaný qajet», degen ustanymy aıtylǵan.

Baýyrlas qyrǵyz elinde sońǵy úsh táýlik boıy alasapyran. Sáýirdiń 6-sy kúni Talas oblysyndaǵy gýbernator saılaýynyń nátıjesinde shyqqan búlik bir kúnnen keıin Bishkekte jalǵasyp, jaǵdaı tipti ýshyǵa tústi. Osy Alataýdyń arǵy jaǵyndaǵy alasapyran arqaý bolǵan maqala «Alash aınasy» gazetinde «Búlik sındromynan» halyqqa ne paıda?» degen taqyryppen basyldy.

Sondaı-aq osy gazet betinde birqatar laýazymdy tulǵalar men alash azamattaryna «Qyrǵyz halqynyń basyna túsken qasiret sizdi qandaı oıǵa jeteleıdi?» degen saýal qoıylǵan edi. Alashty alańdatqan saýalǵa kimniń qalaı jaýap bergenin bilgińiz kelse, «Alash aınasynyń» 3-shi betine nazar aýdaryńyz.

«Tabıǵı apat saldarynan shyǵyn bolǵan malǵa memleket tarapynan belgili bir mólsherde ótemaqy tóleý múmkin be?». «Mundaı sybysty eń aldymen kim taratqanyn kim bilsin, Shyǵys Qazaqstan oblysy, Tarbaǵataı aýdanynda qyrylǵan maldyń óligin izdeý bastaldy. Turǵyndardyń aıtýynsha, jergilikti sheneýnikter osyndaı nusqaý bergen, ıaǵnı ótemaqy alý úshin mal ıesi jan tapsyrǵan maldyń óleksesin tapsyrýy tıis», dep jazady «Alash aınasy» gazeti. Osyǵan oraı basylymnyń «oı-kókpar» aıdarynda joǵarydaǵy saýal saıasatker Erasyl Ábilqasymov pen zań ǵylymynyń doktory, professor Aryqbaı Aǵybaevqa qoıylǵan. Esimi elge tanymal azamattardyń pikirin bilgińiz kelse, basylymdaǵy maqalaǵa nazar aýdaryńyz.

Kórermenimen saǵynyp qaýyshatyn, syrly da syrshyl áýenderimen halyqtyń júregin jaýlaǵan ónerpazdyń biri - ánshi, akter Baıǵalı Esenálıev. Búgingi «juldyzdardyń» birazyna tán «Qaıtsem atymdy tarıhta qaldyramyn» degen peıilden ada Baıǵalı Esenálıev «Alash aınasy» gazetine bergen suhbatynda búgingi óner salasyndaǵy túıtkildi máseleler tóńireginde oı qozǵaıdy.

Dál qazir qoǵamdy tolǵandyryp turǵan taqyryptardyń arasynda Qazaqstannyń Reseımen, Belarýspen bıylǵy qańtardyń 1-inen bastap Keden odaǵyna birikkeni aldyńǵy qatarda tur. Qalyń jurtshylyqty tolǵandyratyn osy másele tóńireginde «Egemen Qazaqstan» gazeti QR Ekonomıkalyq damý jáne saýda mınıstri Janar Aıtjanovamen aradaǵy suhbatty oqyrman nazaryna tartyp otyr.

Basylymnyń barlyq saýaldaryna tuşymdy jaýap bergen mınıstr «biryńǵaı ekonomıkalyq keńistik ekonomıkalyq yqpaldastyqtyń baryn­sha tereńdetilgen túri. Onyń negizgi sharttary - ózara kelisilgen ekonomıka­lyq saıasat, kapıtaldyń, qyzmet túrleri­niń, jumys kúshiniń erkin qozǵalýy. Búkil álemdegi biryńǵaı ekonomıkalyq keńistikterdiń eń mańyzdy qaǵıdattary qatarynda kemsitýge jol bermeý jáne ózara tıimdilik qaǵıdattary atalady. Bul keńistikten bizdiń eń aldymen kúterimiz ınfraqurylymdarǵa teń dárejede qoljetimdiliktiń bolýy. Negizgi taýar ótkizý naryǵynan alysta jatqan, Kaspııden basqa teńiz porttaryna shyǵa almaıtyn el retinde Qazaqstan úshin munyń mańyzy erekshe», dep óz pikirin bildirgen. «Keden odaǵynan kedergi kelmeıdi» degen taqyryppen berilgen ekýara áńgimeniń tolyq nusqasyn basylymnyń búgingi sanynan oqı alasyzdar.

«Keshe EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev óziniń áriptesteri, Reseı syrtqy saıasat vedomstvosynyń basshysy Sergeı Lavrovpen, Ispanııa Koroldigi (EO-ǵa tóraǵalyq etýshi) syrtqy saıasat vedomstvosynyń basshysy Mıgel Moratınospen, Lıtva Respýblıkasynyń Syrtqy ister mınıstri Aýdronıýs Ajýbalıspen jáne BUU Bas hatshysynyń Arnaıy ókili retinde Qyrǵyzstanǵa jiberilgen BUU Bas hatshysynyń orynbasary - Eýropa ekonomıkalyq komıssııasynyń (EEK) atqarýshy hatshysy ıAn Kýbıshpen telefon arqyly sóılesti», dep jazady «Egemen Qazaqstan» gazeti. Suhbattastar Qazaqstan tóraǵalyǵynyń Qyrǵyz Respýblıkasyndaǵy jaǵdaıdy barlyq taraptardyń keń kólemdegi únqatysýy arqyly sheshý qajet degen ustanymyna tolyq qoldaý bildirip, Qazaqstan Respýblıkasy Parlamenti Májilisiniń vıtse-spıkeri J.Káribjanovtyń Qyrǵyzstanǵa EQYU-nyń Іs basyndaǵy tóraǵasynyń Arnaıy ókili retinde jiberilgenin joǵary baǵalady. Sondaı-aq keshe Qazaqstan bastamasy boıynsha Venada EQYU Turaqty keńesiniń Qyrǵyz Respýblıka­syn­daǵy jaǵdaıǵa arnalǵan arnaıy májilisi bolyp ótti.

***

«EQYU-nyń Іs basyndaǵy tóraǵasy Qanat Saýdabaev pen BUU Bas hatshysy Pan Gı Mýn telefon arqyly áńgimelesip, ózderiniń arnaıy ókilderin Qyrǵyzstanǵa attandyrý týraly kelisti», dep jazady «Aıqyn» gazeti QR Syrtqy ister mınıstrliginiń baspasóz qyzmetin silteme jasap.

«Aıqyn» gazetine suhbat bergen táýelsiz qyrǵyz saıasattanýshysy keshe ǵana eldi sońynan ertken qyrǵyz kóseminiń erteń sot aldynda jaýap beretindigin topshylaıdy. Ol basylymǵa bergen suhbatynda «Bakıevtiń Aqaevtan aıyrmashylyǵy, onyń qashatyn jeri joq. Ol tutqynǵa alynatyn shyǵar. Qazir onyń uly - AQSh-ta. Biraq Bakıevti birde-bir el qabyl alady dep oılamaımyn. Eger eldegi jaǵdaı qalpyna kelse, Bakıevke qarsy sot bolady», deıdi. Ekeýara áńgime «Qyrǵyzstannyń ekige bóliný qaýipi bar» degen taqyryppen berilgen.