«Býlgarııa» teplohody apatqa ushyrady
ASTANA. 11 shilde. QazAqparat - Qazanǵa jaqyn jerdegi Kýıbyshev sý qoımasynda «Býlgarııa» teplohody apat ushyrap, oqıǵa saldarynan 120 adam is-túzsiz joǵaldy,
dep habarlady RBK agenttigi.
Sońǵy aqparat boıynsha 79 jolaýshy qutqarylǵan. Olardyń birazy kómekke jetken «Arabella» teplohodymen Qazanǵa jetkizildi.
Teplohod bortynda 197 týrıst, ekıpaj músheleri jáne tirkelmegen taǵy birneshe adam bolǵan. Olardyń kóbisi iz-túzsiz joǵalǵandar sanatynda. Tatarstannyń Tótenshe jaǵdaılar mınıstrligi 5 adamnyń qazasyn resmı qýattady.
Densaýlyq saqtaý mınıstrliginiń aqparaty boıynsha, aman qalǵandardyń 23-i - medıtsınalyq kómekke muqtaj.
Eki palýbaly «Býlgarııa» teplohody 10 shilde kúni Tatarstanda Kýıbyshev sý qoımasynda sýǵa batyp ketken bolatyn. Keme jaǵalaýdan 3 shaqyrym jerde sýǵa batqan. Apatqa jaısyz aýa raıy - qatty jel men nóser jańbyr sebep bolǵan.
