«Býlgarııa» apatynan keıin Qazaqstandaǵy barlyq sý kemelerin baqylaý sharalary kúsheıtildi
ASTANA. 21 shilde. QazAqparat /Arman Asqarov/ - «Býlgarııa» teplohodynyń apatynan keıin barlyq sý kemelerine baqylaý sharalary kúsheıtilýde.
Bul týraly búgin jýrnalısterge suhbat bergen QR Kólik jáne kommýnıkatsııa mınıstrliginiń Kóliktik baqylaý komıteti tóraǵasynyń orynbasary Áset Asaýbaev málim etti.
Onyń habarlaýynsha, barlyq is-sharalar qaýipsizdik maqsatynda qolǵa alynyp otyr. «Lıtsenzııasy joq sý kólikterin paıdalaný saldarynan Reseıde qaıǵyly oqıǵaǵa oryn aldy. Bizde buǵan deıin de tekserý jumystary júrgizildi. Endi biz qaýipsizdikti barynsha qamtamasyz etý úshin sý kemelerin baqylaýdy kúsheıtip otyrmyz. Búginde deıin Qazaqstanda 74 jolaýshylar kemesi bar bolsa, qazirgi kezde 26 sý kemesi jolaýshylar tasymaldaýdan shettetildi», - deıdi Á.Asaýbaev.
Baqylaý sharalarynyń qorytyndysy aǵymdaǵy aıdyń sońynda jarııalanady.
