Búldirshinderdiń 71,5 paıyzy balabaqshamen qamtyldy - Úkimet otyrysy
Bul týraly búgin «Nur Otan» HDP-nyń saılaýaldy tuǵyrnamasynyń oryndalý máselesine arnalǵan Úkimettiń selektorlyq rejimdegi otyrysynda Bilim jáne ǵylym mınıstri Baqytjan Jumaǵulov málim etti.
Mınıstrlik «Nur Otan» partııasy tuǵyrnamasynyń 27-tarmaǵy boıynsha jaýapty oryndaýshy bolyp sanalatyndyǵyn eskertip ótkennen keıin: «Bul baǵyttaǵy jumystar tolyǵymen oryndalýda. Mektepke deıingi bilim boıynsha biz jospardy merziminen buryn oryndap otyrmyz. Qazirdiń ózinde balalardy qamtý 71,5 paıyzdy quraıdy»,-dedi ol.
Bul kórsetkishke memlekettiń qarjysy esebinen ǵana emes, sonymen qatar jekemenshik kapıtaldy tartý arqyly qol jetkizilgen. «Endi partııa Tóraǵasy Nursultan Nazarbaevtyń 2020 jyly balabaqshamen 100 paıyz qamtý týraly tapsyrmasyn iske asyrýǵa kirisemiz»,-dedi B. Jumaǵulov.
