Bulbul Kúzembaeva Aqtóbe oblystyq bilim basqarmasynyń basshysy boldy
AQTÓBE. KAZINFORM — Aqtóbe oblystyq bilim basqarmasynyń basshysy qyzmetine Bulbul Kúzembaeva taǵaıyndaldy.
Ol buǵan deıin Batys Qazaqstan oblysy bilim salasynda sapany qamtamasyz etý departamentiniń basshysy qyzmetin atqardy.
Aqtóbe oblysynda taǵy bir taǵaıyndaý boldy. QR Memlekettik qyzmet isteri agenttigi jáne QR Oqý-aǵartý mınıstrliginiń kelisimimen Aqtóbe oblysy bilim basqarmasynyń basshysy bolyp Bulbul Kúzembaeva taǵaıyndaldy. Ol 2000 jyly Batys Qazaqstan memlekettik ýnıversıtetiniń pedagogıkalyq mamandyǵyn, 2016 jyly Q.Jubanov atyndaǵy Aqtóbe memlekettik ýnıversıtetiniń quqyqtaný mamandyǵyn támamdaǵan. Eńbek jolyn 2000 jyly № 2 Mártók orta mektebiniń muǵalimi bolyp bastaǵan. 2003-2007 jyldary osy mektepte dırektordyń tárbıe jumysy boıynsha orynbasary bolyp jalǵastyrǵan.
— 2007-2010 jyldary Mártók aýdandyq mádenıet jáne tilderdi damytý bóliminiń basshysy, 2010-2011 jyldary Aqtóbe oblysy balalardyń quqyqtaryn qorǵaý departamentiniń monıtorıng jáne aqparattyq-taldaý qyzmeti bóliminiń bastyǵy, 2011-2018 jyldary Mártók aýdany ákiminiń orynbasary, Oıyl aýdanynyń ákimi qyzmetterin atqarǵan. 2018-2022 jyldary QR Bilim jáne ǵylym mınıstrligi Bilim jáne ǵylym salasynda sapany qamtamasyz etý komıteti Aqtóbe oblysynyń bilim salasynda sapany qamtamasyz etý departamentiniń basshysy qyzmetinde boldy. 2022 jyldyń maýsym aıynan bastap QR Oqý-aǵartý mınıstrligi Bilim salasynda sapany qamtamasyz etý komıtetiniń Batys Qazaqstan oblysy bilim salasynda sapany qamtamasyz etý departamentiniń basshysy qyzmetin atqaryp keldi, — dep habarlady Aqtóbe oblysy ákiminiń baspasóz qyzmeti.
Eske salsaq, Aqtóbede densaýlyq saqtaý basqarmasynyń basshysy da taǵaıyndaldy.