Bulandyda salynyp jatqan iri maı zaýyty bıyl iske qosylady

KÓKShETAÝ. QazAqparat - Aqmola oblysynyń Bulandy aýdany Makınsk qalasynda qazirgi zamanǵy ozyq tehnologııa boıynsha salynyp jatqan táýligine 600 tonna ósimdik maıyn óndiretin jańa zaýytty bıyl kúzde iske qosý josparlanyp otyr, dep habarlaıdy QazAqparat tilshisi.

Zaýyt quryltaıshysy «Bota-2015» jaýapkershiligi shekteýli seriktestiginiń dırektory Vasılıı Borevıchtiń aıtýynsha, jobanyń quny 4,2 mıllıard teńge. Kásiporyn ashylsa, jergilikti 80 adamdy jumyspen qamtylady. Elimiz boıynsha osy tektes zaýyt Almaty qalasynda ǵana bar. Mundaı óndiris oryndaryn salý - tereńdetile óńdelgen, quny joǵary ónim eksportyna ótýge múmkindik beredi.

«Zaýyt qurylysyn «Bota-2015» jaýapkershiligi shekteýli seriktestigi qolǵa alǵan. Qazirgi kezde ǵımarattyń qabyrǵasy turǵyzylyp, qoımanyń qurylys-montaj jumysy, temirjol qurylysy aıaqtalýǵa jaqyn. Osy zamanǵy qondyrǵylarmen jabdyqtalǵan zaýytta maıly daqyldardy óńdep, taıaý shetel naryǵyna eksporttaý josparlanǵan. zaýyt-bul qaldyqsyz óndiris. Qalǵan qaldyqtar jemge satylady», - deıdi Vasılıı Borevıch.

Aıta keteıik, sońǵy kezderi óńirde qaıta óńdeý ónerkásibiniń ósimi baıqalýda.