Bulandyda órt shyqqan úıden eki adamnyń denesi tabyldy
BULANDY. QazAqparat – Aqmola oblysynyń Bulandy aýdanynda turǵyn úıden órt shyǵyp, eki adam kóz jumdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, órt qańtardyń 3-de keshki saǵat 18:05 shamasynda Otradnoe aýylyndaǵy jeke turǵyn úılerdiń birinde bolǵan.
«Órt 2 sharshy metr aýmaqty sharpydy. Úı ishinen 65 jastaǵy úı ıesi men 56 jastaǵy áıeldiń múrdesi tabyldy. Ýchaskelik polıtsııa qyzmetkeriniń aıtýynsha, ekeýi de alkogoldi ishimdikke áýes bolǵan», - deıdi TJD baspasóz qyzmetindegiler.
Vedomstvodan atap ótkendeı, órttiń shyǵýyna otty qoldaný kezinde qaýipsizdik erejesiniń saqtalmaýy sebep bolǵan. Oqıǵa ornyna órtke qarsy qyzmet shaqyrylmaǵan.
Illıýstratsııalyq foto: newsbel.by
