Bulandy aýdanynda kásipkerlerge qarýly shabýyl jasaldy
KÓKShETAÝ. Jeltoqsannyń 9-y. QazAqparat /Janmurat Janaıdarov/ - Aqmola oblysyna qarasty Bulandy aýdanynyń Konstantınov jáne Pýshkıno aýyldary aralyǵyndaǵy jol ústinde kásipkerlerge qarýly shabýyl jasalyp, qylmyskerler izin sýytyp úlgergen,
dep habarlaıdy QazAqparat tilshisi.
Oblystyq ishki ister departamenti bastyǵynyń birinshi orynbasary Altaı Boshanovtyń aıtýynsha, Pavlodar qalasynan «KamAz» júk kóligine kómir tıep kele jatqan jolaýshylardy qarýly tórt jigit toqtatqan. Jeńil olja tabýdy murat sanaǵan basbuzarlar kásipkerlerden aqsha talap etip, olardy ózderi tintýge kirisken. Bul jolǵy «tabystary» 170 myń teńgemen shektelgen qylmyskerler oqıǵa ornynan taıyp turǵan. Qazir arnaıy jasaqtalǵan polıtsııa qyzmetkerleri izdestirý amaldaryn jalǵastyrýda.
Bul jyl ishinde Aqmola oblysyndaǵy kúre jol boıynda jasalǵan tórtinshi qarýly shabýyl. Buǵan deıin osyndaı áreketpen Tselınograd aýdanynda «Kókshetaýarasansý» jaýapkershiligi shekteýli seriktestigi kóligine, Stepnogor tóńireginde altyn tasymaldaýshylarǵa, al Qyzyltý baǵytynda ınkassatorlarǵa qaraqshylyq shabýyl jasalǵan bolatyn.
