Bulandy aýdanynda elektrondy jýrnal jáne kúndelik júıesi engizildi-Aqmola oblysy
KÓKShETAÝ. QazAqparat - Aqmola oblysynyń Bulandy aýdanynda elektrondy jýrnal jáne kúndelik júıesi tolyq engizildi, dep habarlaıdy QazAqparat tilshisi.
Óńirlik kommýnıkatsııalar qyzmetiniń málimeti boıynsha, aýdandaǵy bilim berý uıymdarynda keń jolaqty ınternet keńinen qoldanylýda.
«Aýdan bilim berý «Bilimland» portalynda jumys isteý úshin 7,2 mıllıon teńgege 20 dana mýltımedııalyq qural-jabdyq satyp alynǵan. Budan bólek, 27 mektep keń jolaqty ınternetke qosylyp, onlaın rejımde jumys isteýde. Internet jyldamdyǵyn arttyrý úshin sýptnıktik tehnologııa qoldanylyp, oǵan 15 mektep qosylǵan. Makınsk qalasynyń, Qaraózek, Voznesenkaıa Kapıtonovka, Altyndy jáne Nıkolskıı orta mektepteri Wi-fi jelisine qol jetkizip otyr. Osy baǵytta respýblıkalyq bıýdjetten 6,1 mıllıon teńge qarjy bólingen», deıdi vedomstvo.
