Bulan etin buzyp jatqan jerinde anyqtalǵan brakonerler ustatpaı ketti

ASTANA. QazAqparat - Aqmola oblysynda bulandy zańsyz aýlap, etin buzyp jatqan jerinde anyqtalǵan bir top brakoner qashyp ketken. Bul týraly QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy QazAqparat.

«Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasynyń habarlaýynsha, oqıǵa 2018 jylǵy 7 qazanda Aqmola oblysy Býrabaı aýdany aýmaǵyndaǵy Jasyl temir jol stantsııasynyń mańynda tirkelgen. Bir top adam bulannyń etin buzý barysynda memlekettik ınspektordy kóre sala ormanǵa qashyp ketken» delingen habarlamada.

Oqıǵa ornynan memlekettik nómirleri 4327 TsLA jáne 2359 SO IJ markaly eki mototsıkl tabylyp, Býrabaı AІІB jedel tergeý toby shaqyrylǵan.

«Bul aýmaq «Býrabaı» memlekettik ulttyq tabıǵı parkiniń Qatarkól ormanshylyǵynyń 94 toqsan kúzet aımaǵyna jatady. Atalmysh fakti QR Qylmystyq Kodeksiniń 337-baby, 4-tarmaǵy boıynsha tirkeldi. Keltirilgen zalaldyń somasy aldyn ala 1 803 750 teńge dep baǵalanyp otyr», - dep habarlaıdy Sáken Dildahmet.