Bul jolǵy saılaý burynǵydan basqasha bolady - Prezıdenttikten kandıdat Ýálıhan Qaısarov
ASTANA. 8 aqpan. QazAqparat /Aıdar Ospanalıev/ - Bul jolǵy saılaý naýqany burynǵydan basqasha bolady. Búgin Prezıdenttikten kandıdat Ýálıhan Qaısarov jýrnalıstermen bolǵan kezdesýinde osylaı dedi.
Onyń sózine qaraǵanda, resmı, tolyq tirkeýden ótpeı turyp, saılaýaldy baǵdarlama týraly aıtý qıyn. «Al daıyndyq árıne bar. Bul rette men 2005 jylǵy baǵdarlamadan birqatar máselelerdiń bar ekendigin atap ótý kerek. Bizdiń burynǵy baǵdarlamada áli de bolsa ózektiligin joǵaltpaǵan máseleler bar. Biz ol baǵdarlamalardy osy joly da paıdalanamyz», - dedi kandıdat.
Onyń aıtýynsha, 2005 jylǵa Prezıdenttik saılaý ótkennen keıin, onda jiberilgen kem-ketikterdiń saralanǵanyn atap ótti. «Biz ondaǵy barlyq máselelerdi, jibergen kemshilikterimizdi tolyq zerttedik. Sonymen qatar basqa kandıdattardyń áreketterin saraladyq. Osylardyń barlyǵyn eske ala otyryp, bizdiń aldaǵy saılaý naýqanymyz sál basqasha baǵytta órbıdi. ıAǵnı biz osyǵan deıingi saılaýdan alǵan tájirıbemizdi paıdalanamyz», - dedi Ý.Qaısarov.
