Bul jolǵy Azııa oıyndarynda báseke joǵary boldy — Ásem Orynbaı
AIChI. KAZINFORM — Japonııada ótip jatqan jazǵy Azııa oıyndarynyń stend atýdan kúmis jáne qola júldegeri Ásem Orynbaı búgingi jarys jolyn qortyndylap, qarsylastary týraly aıtty.
Qazaqstandyq sportshy fınaldyq syn qıyn bolǵanyn jasyrmady.
— Jarys jaqsy ótti. Biz júlde jeńip alý úshin kóp daıyndaldyq, ózimizge senimdi boldyq. Sebebi áıelder arasynda biz Azııanyń aldyńǵy qataryndamyz. Komandalyq synda Qytaı quramasyna ese jiberip, kúmis júlde qanjyǵaladyq, — dedi ol.
Ásem Orynbaı jekeleı syndaǵy qarsylastary týraly aıtty.
— Qytaı qyzy — myqty qarsylas. Osyǵan deıinde fınalda birge óner kórsetip júrmiz. Jalpy, Azııa oıyndaryndaǵy báseke joǵary boldy, — dedi sportshy.
Qazaqstandyq sportshy tóreshiler sheshimine qatysty da oıyn aıtty.
— Taıland ókiliniń sońǵy eki oǵy esepke alyndy. Tóreshiler tıdi dep eseptese, sheshim solaı bolǵany. Alaıda ózim oqtyń tıgenin kórmedim, — dedi Ásem.
Osyǵan deıin habarlaǵanymyzdaı, Qazaqstan áıelder quramasy stend atýdan Azııa oıyndarynda kúmis júlde jeńip aldy.
Sonymen qatar Ásem Orynbaı jekeleı synda qola júlde enshiledi.
