Bul Joldaýdyń basty ereksheligi - 2020 jylǵa deıingi el damýynyń strategııalyq josparlaryna sony beder berilýinde - Janat Amanjolqyzy
ALMATY. 29 qańtar. QazAqparat /Erlik Erjanuly/ - Elbasynyń bıylǵy Joldaýynyń ár tarmaǵy aldaǵy 10 jyldyqta jańa qarqynda jumys isteýge qajettigimizdi anyqtap bergendeı boldy,
deıdi Qazaqtyń Abaı atyndaǵy ulttyq pedagıkalyq ýnıversıtetiniń Tárbıe jumysy, jastar saıasaty jáne memlekettik tildi damytý basqarmasynyń bastyǵy Janat Amanjolqyzy. Onyń paıymdaýynsha, Joldaýdyń basty ereksheligi - 2020 jylǵa deıingi el damýynyń strategııalyq josparlaryna sony beder berilýinde.
"Onyń ereksheligi myna baǵyttarda kórinedi. El bolashaǵy jastar qolynda, olardyń taǵdyrynda deıtin bolsaq, el kapıtalyn damytý jolynda erekshe irgetas bolarlyq jastardyń ómirin saqtaýǵa, densaýlyǵyn damytýǵa, bilim berý sapasyn kóterýge, jumysqa tıimdi ornalasýynda jáne olardyń áleýmettik ómir sapasyn kóterý máselerine aıryqsha kóńil bólindi. Jumyssyz júrgenderdi eńbekpen qamtý nemese oqytý kýrstaryn ashý arqyly ındýstrııalandyrý josparyna úles qosý. Sondaı-aq 12 jyldyq bilim berý júıesine kóshý arqyly álemdik standarttaǵy bilim berý sapalaryna kóshý joldary aıqyndaldy", deıdi J. Amanjolqyzy. Onyń sózine qaraǵanda, ǵylym óz betinshe jatqan dúnıe emes. Ol bilim salasyna jáne ómirdiń sapasyn kóterýge qyzmet etýi qajet. Osy rette jańa Joldaýdaǵy QR Prezıdentiniń Úkimetke bergen sony tapsyrmalary óz sheshimin tabatynyna senim zor.
