Bul Joldaýda biz kórgimiz keletin reformalar kórinis tapty – Germanııanyń Qazaqstandaǵy Elshisi
«Búgin biz reformalar týraly mańyzdy usynystardy estidik. Bul biz Qazaqstanda iske asqanyn kórgimiz keletin reformalar dep aıtýǵa bolady. Men úshin azamattardy sheshim qabyldaýdyń barlyq deńgeıine aralastyrý, Májilistiń ókiletin ortalyqsyzdandyrý sııaqty bastamalar eń qyzyqty tusy bolǵan sııaqty. Meniń oıymsha, bul usynystar eldiń ári qaraıǵy ekonomıkalyq jáne saıası turǵyda damýynda mańyzdy ról atqarady», - dedi Monıka Iversen.
Sondaı-aq, Elshi Joldaýda aıtylǵan keıbir máselelerdi sheshýdegi Germanııanyń tájirıbesine toqtaldy.
«Konstıtýtsııalyq sot qurýda Germanııanyń tájirıbesi jaqsy tanys. Mundaı júıede adamdar eń joǵary deńgeıde júgine alady. Sondaı-aq, Úkimetti ortalyqsyzdandyrý jáne óńirlik ortalyqtarǵa, ózin-ózi basqarý ınstıtýttaryna kóbirek ókilet berý týraly aıtyldy. Jergilikti ákimdikterdiń resmı ókilderi halyqqa jaqynyraq bolyp, olardyń muqtajdyqtaryna burynǵydan jaqsyraq ún qatatyn bolady. Bul búkil óńirlerdi qarjylandyrý júıesin jetildiredi. Maǵan BAQ-taǵy sóz erkkindigi men saıası protsesterge azamattyq qoǵamnyń atsalysýy týraly aıtylǵany qatty unady. Germanııada osyndaı tájirıbe bar. BAQ óte ózekti suraqtar qoıa alady. organdardy jaýapkershilikkke tarta alady. Muny atalǵan organdardy jaýapkershilikke tartýdyń jaqsy tásili dep qaraýǵa bolady», - Monıka Iversen.
