Bul Joldaý memleketimizdiń qalyptasyp, jańa kezeńge kóshýiniń kórsetkishi - Ásker Pırıev
«Memleket basshysynyń Joldaýlaryn 1997 jyldan beri qalt jibermeı qadaǵalap, tyńdap kele jatyrmyn. Al bul jolǵy Joldaý osyǵan deıingilerin qorytyndylap otyr desem artyq aıtqandyq emes. Erekshelikteri de óte kóp. Teorııalyq turǵydan alyp qaraıtyn bolsaq, bul Joldaý bir memlekettiń jáne onyń ishindegi qoǵamnyń qalyptasyp, ary qaraı jańa kezeńge kóshýiniń kórsetkishi, halyqtyń sapaly ómiriniń ózegi. Joldaýda bilim, densaýlyq saqtaý, quqyq qorǵaý máselelerine jan-jaqty toqtalǵan. Árıne, problemalar da bar. Problemasyz memleket joq. Biraq, sonyń ishinde kópten beri sheshimin izdep kele jatqan máselerdiń bolýy qýantady. Sonyń sheshimi osy Joldaýdan tabylady dep oılaımyn»,- dedi ol.
Qazaqstan halqy Assambleıasynyń múshesi Joldaýdyń basty baǵdary 2019 jyldyń «Jastar jyly» bolyp jarııalantyny ekendigine aıryqsha nazar aýdardy.
«Árbir memlekettiń keleshegi jastardyń qolynda. Jastarǵa salynǵan ınvestıtsııaǵa baǵa jetpeıdi. Jasalyp otyrǵan osynaý qoldaý bizdiń keleshegimizge, jastardyń keleshegine, olardyń aldaǵy josparlarynyń júzege asyrylýyna kerek múmkinshilik, qural desek te bolady. 2019 jyldyń ishinde jastar berilgen múmkinshilikti jan-jaqty paıdalana otyryp, ózderiniń ǵana emes keleshektegi Qazaqstan irgetasynyń odan ary qalyptasýy jolynda eńbek etýleri qajet», - dedi Ásker Pırıev.
Sonymen qatar ol Memleket basshysy Joldaýynda mektepke deıingi bilim, orta bilim, máselelerine de jan-jaqty nazar aýdarylǵandyǵyn aıtty. Osy rette spıker joǵary bilim berý salasyn damytý baǵytynda kózdelgen sharalarǵa toqtaldy.
«Joǵary bilim oryndaryna jańa talaptar qoıylady jáne Nazarbaev Ýnıversıteti sııaqty polıtehnıkalyq ýnıversıtet ashylady. Iá, elimizde bul baǵytta joǵary oqý oryndary bar. Biraq, bul joly sapaǵa aıryqsha kóńil bólinetindigin aıta ketken jón. Nege deseńiz, árbir memleket óziniń halqymen, qoǵamymen kúshti. Sol úshin, keleshekte básekege qabiletti qoǵam bolý úshin jaı bilim emes, sapaly bilim bolýy tıis. Sol sapaly bilimdi alyp, memleket tarapynan jasalyp otyrǵan qamqorlyqty jete túsingen adamnyń ishki jan-dúnıesinde alǵys sezimi qalyptasady », - dedi ol.
Munan bólek Ásker Pırıev qoǵamdy quraıtyn negizgi úsh baǵytqa da egjeı-tegjeıli toqtaldy. Onyń birinshisi - qaýipsizdik. ıAǵnı, adam ózin qaýipsiz sezinýi qajet. Ekinshisi - densaýlyq saqtaý. ıAǵnı adamnyń densaýlyǵy bolýy kerek. Al úshinshisi - deni saý adam bilimge umtylady. Sondaı-aq ol Qazaqstan halqy Assambleıasy elimiz úshin óte mańyzdy is-sharalarda árdaıym alda júretindigin atap ótti.
«Búgin ǵana Assambleıanyń Joldaýdy talqylaýǵa arnalǵan keńeıtilgen otyrysy ótti. Basqosýda Elbasy Joldaýy qyzý talqylanyp, ony halyqqa túsinikti jetkizý baǵytynda jumystar bastalyp ta ketti. Máselen, talqylaý barysynda aýyldyq jerlerde qyzmettik páterlerdiń bolýy usynyldy. Mektep dırektorynyń, ýchaskelik polıtsııanyń, dárigerdiń qyzmettik páterleri bolýy qajet degen syndy usynystar boldy. Jalpy, Joldaýda kóterilgen barlyq máseleler halyqqa kerek? Eger Joldaýda kózdelgen tapsyrmalardyń barlyǵy tyńǵylyqty oryndalatyn bolsa, onda onyń paıdasy mol bolaryna senimimiz mol. Aıta keterligi, Elbasymyz qolynan kelgen istiń barlyǵyn jasap, memleket te qajetti qarajatty bólip jatyr. Endi halyq onyń qalaı júzege asyrylyp jatqanyn qadaǵalap otyrýy tıis», - dedi Ásker Pırıev.
