«Bul umytylmas oqıǵa bolmaq» – Backstreet Boys solısiniń Qazaqstan týraly áseri

ALMATY. KAZINFORM – Backstreet Boys tobynyń múshesi Aleksandr Djeıms Maklın Qazaqstan jaıly alǵashqy áserimen bólisti.

47 jastaǵy amerıkalyq ánshi Instagram paraqshasynda Qazaqstanǵa alǵash ret kelgenin jáne óte qýanyshty ekenin aıtty.

— Biz mejeli jerge jettik. 32 jyl ishinde álemniń barlyq túkpirinde boldyq dep oılaýyńyz múmkin. Biraq bul bizdiń Qazaqstanǵa alǵashqy saparymyz jáne biz munda kelgenimizge sheksiz qýanyshtymyz. Eldi zerttep, ártúrli adamdarmen júzdesip, eki ǵajaıyp kontsert ótkizýdi asyǵa kútip júrmiz. Sabyrlyqpen kútkenderińiz úshin alǵys aıtamyz. Biz bul múmkindikti eshqashan jiberip almas edik jáne tolqyp júrmiz. Ózimizdi shynaıy baqytty sezinemiz. Bizdi qushaq jaıa qarsy alǵandaryńyz úshin rahmet. Keshki kezdesýdi asyǵa kútemiz — bul umytylmas oqıǵa bolmaq, — dedi ol jankúıerlerine joldaǵan habarlamasynda.

Eske salaıyq, áıgili Backstreet Boys toby Almatyǵa keshe keldi.