Bul tańdaý búkil qazaqstandyqtardyń jeńisi boldy - Mahambet Beıdáli
ALMATY. 7 sáýir. QazAqparat /Erlik Erjanuly/ - Bizdiń úmitkerge saılaýshylardyń respýblıka boıynsha 95,55 paıyzy, al Almaty qalasynda 90,8 paıyzy daýys berdi.
«Nur Otan» HDP Almaty qalalyq fılıaly tóraǵasynyń birinshi orynbasary Mahambet Beıdáli búgin Almatyda ótken «Qazaqstandaǵy kezekten tys prezıdent saılaýynyń qorytyndylary» dep atalatyn dóńgelek ústel jıynynda osylaı aıtty.
«Elimizdiń damýy bereke men birlikke baılanysty. «Nur Otan» HDP qoǵamnyń barlyq ókilderiniń ál-aýqatyn arttyryp, el ekonomıkasyn nyǵaıtý men joǵary azamattyq belsendilikti kóterýdi kózdeıdi. Bul jolda barshamyzdyń maqsatymyz ortaq, mindetimiz bir», - deıdi Mahambet Beıdáliuly. Onyń aıtýynsha, QR Prezıdentiniń kezekten tys saılaýy Qazaqstannyń demokratııalyq baǵyt-baǵdarynyń aıqyndyǵyn taǵy da dáleldep berdi. Ony qala turǵyndarynyń saılaýdaǵy belsendiliginen de kórýge bolady. Bul tańdaý búkil qazaqstandyqtardyń jeńisi boldy.
