Bul shara rýhanı ómirimizdegi mańyzy zor aıtýly oqıǵalardyń biri - Mádenıet jáne aqparat mınıstri
;ALMATY. Qarashanyń 12-si. QazAqparat /Erlik Erjanuly/ - QR Ortalyq memlekettik mýzeıi men Shoqan Ýálıhanov atyndaǵy tarıh jáne etnologııa ınstıtýtynyń bastamasymen ótkizilip otyrǵan bul shara rýhanı ómirimizdegi mańyzy zor aıtýly oqıǵalardyń biri.
Bul búgin "І Arǵynbaev oqýlary" halyqaralyq konferentsııasyna qatysýshylarǵa joldanǵan Mádenıet jáne aqparat mınıstri Muhtar Qul-Muhamedtiń quttyqtaý hatynda aıtyldy, dep habarlaıdy QazAqparat.
Konferentsııa qazaqtyń kórnekti ǵalym-etnografy, tarıh ǵylymynyń doktory, professor Halel Arǵynbaevty eske alý maqsatynda uıymdastyrylǵan bolatyn. Eki kúndik bul alqaly jıynǵa qatysýshylarǵa QR Mádenıet jáne aqparat mınıstri Muhtar Qul-Muhamed arnaıy quttyqtaý hat joldapty.
"Qurmetti dostar! QR Mádenıet jáne aqparat mınıstrligi atynan sizderdi kórnekti ǵalym, etnograf Halel Arǵynbaevty eske alýǵa arnalǵan 1 Halyqaralyq Arǵynbaev oqýlary ǵylymı konferentsııasynyń ashylýymen quttyqtaımyn. QR Ortalyq memlekettik mýzeıi men Shoqan Ýálıhanov atyndaǵy tarıh jáne etnologııa ınstıtýtynyń bastamasymen ótkizilip otyrǵan bul shara rýhanı ómirimizde mańyzy zor aıtýly oqıǵalardyń biri" dep bastalatyn bul hatty konferentsııanyń ashylý rásiminde QR Memlekettik ortalyq mýzeıiniń dırektory Nursan Álimbaı oqyp berdi. Onda M. Qul-Muhamed mýzeıtanýshylar men etnologtardyń bul forýmyna tek qana Qazaqstannan emes, Reseıden, Qyrǵyzstannan, Úndistannan, Mońǵolııadan jáne taǵy basqa da elderden belgili etnotanýshylar qatysyp otyr, bul Qazaqstannyń qazirgi etnologııa ǵylymy men mýzeıtaný máselelerine degen qyzyǵýshylyqtardyń arta túskeniniń aıǵaǵy dep, konferentsııanyń kún tártibine engen ózekti máseleler boıynsha syndarly sheshimderge qol jetkiziledi degen senimin bildirgen.
